Danieli 10:6 - Baibuli Ekibono kya Katonda 2014

⁶ Omubiri gwe gwali gumesunkana ng'oti ibaale lya mughendo eryetebwa berulo. Nga mu maiso amyensuuka ng'oti kughemya kwa lukuba. Amaiso ge nga gali ng'oti gaaka omuliro. Amakono ge n'amagulu ge nga gamirimiinha ng'oti kyuma kya kikomo ekizigule. Nga bw'ayogera, amamiro ge gaba ng'oti n'ag'olukunkumuli olw'abantu.

Danieli 10:6 Iomraidhean Croise

Okuvaayo 28:20

Olwo akokuna kabeeku ageetebwa berulo, onikisi, ni yasipera. Amabaale ago gali n'okubaaku omugo gwa zaabu,

Olwembo 5:14

Amakono ge gaakolebwa bulungi ng'oti mpeta dha zaabu, edhaateebwaku amabaale ag'omughendo. Omubiri gwe mulungi ng'oti isanka lye baalimbyaku amabaale ag'omughendo ageetebwa saffiro.

Ezekieli 1:14

N'ebitonde ebiramu ebyo byona byali biri kumansuka embiro ng'oti kughemya kwa lukuba, nga biira eno n'ere.

Ezekieli 1:16

Enkede edho eina dhoonadhoona dhaakolebwa nga dhifaanana era nga dhimirimiinha ng'oti ibaale ery'omughendo eryetebwa kurisolito. Buli nkede yali eboneka ng'oti erimu enkede eyindi ghagati ghaayo obukiika.

Ezekieli 1:24

Bwe byaguluka ni bija, naawulira omuvuuma ogw'amaghagha gaabyo nga guli ng'oti mpiriito ya maadhi, kabiri ng'oti n'okutyabuka okw'amamiro ag'oyo Aghanga Ebintu Byonabyona, era ng'oti n'okuwowoigana okw'eigye. Ate bwe byalekera okuguluka, byaisa amaghagha gaabyo.

Ezekieli 1:7

Amagulu gaabyo gaali matereevu agaziramu ngode naire, n'ebibbonge byabyo byaba ng'oti binuulo bya nte nto. Byali biri kumesunkana ng'oti n'ekyuma eky'ekikomo ekizigule.

Ezekieli 10:9

Era naja okulinga nti nga mbona enkede ina kumpi agho ni bikerubi, nga buli gha mbali gha kikerubi ghaligho enkede ndala ndala. Enkede edho dhaali nga dhimirimiinha ng'oti ibaale ery'omughendo eryetebwa kurisolito.

Ezekieli 40:3

Bwe yamala okundhisa eyo, naja okulinga nti nga mbona omusaadha eyali ali kumirimiinha ng'oti kyuma kya kikomo. Yali agemye oluwuuzi olw'olugoye olughegheevu n'omwigo ogupima, era ng'ayemereire mu mulyango.

Ezekieli 8:2

Naja okulinga nti nga mbona ekiri ng'oti muntu, aye nga okuva aghaaboneka ng'oti n'enkende ye okwika ghansi, yali afaanana ng'oti muliro. Ate okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule.

Matayo 17:2

Agho yaafuuka obundi nga babona, amaiso ge gaayaka oti ndhuba, n'ebivaalo bye byayakaayakana oti musana.

Matayo 28:3

Yali afaanana ng'oti lukuba, n'ekivaalo kye nga kyeru oti mugozi.

Luka 9:29

Bwe yali asaba, emboneka ye mu maiso yaafuuka bundi n'ebivaalo bye byafuuka byeru, byamesunkana.

Okwolekebwa 10:1

Agho naabona malaika owundi ow'amaani ng'ava mu igulu. Yali avaire ekireri, era ku mutwe gwe nga kuliku musoke, mu maiso ge ng'ali kwaka ng'oti ndhuba, ate amagulu ge nga gali ng'oti mpango dha muliro.

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

Okwolekebwa 2:18

“Ghandiikira malaika w'Ekikunsu eky'Abaikiriza mu Kurisito eky'e Thuyatira, oti: Omwana wa Katonda ali n'amaiso agaaka ng'oti muliro, era ali n'ebigere ebiri ng'oti kyuma kya kikomo ekizigule, akoba ati:

Okwolekebwa 21:20

eryokutaanu sarudokinisi, eryomukaaga sarudioni, eryomusanvu kurisolito, eryomunaana berulo, eryomwenda topazio, eryeikumi kirusopuraso, eryeikumi n'eirala yakinto, eryeikumi n'abiri ametusito.