Danieli 10:5 - Baibuli Ekibono kya Katonda 2014

⁵ Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 10:5 Iomraidhean Croise

Isaia 11:5

Aidha kufuganga mu butuufu ni mu bwesigwa.

Yeremia 10:9

Ebifaananie ebyo baabirimbyaku feeza ye baatoola e Tarushishi, ni zaabu ye baatoola mu Ufazi. Era abagheesi b'ebintu bya zaabu n'abakola ebifaananie ebyo n'obukugu. Baabivaaza engoye dha langi ya bbululu n'edh'eya nakasooma, edhaakolebwa abalusi b'engoye abakugu.

Ezekieli 9:2

Naja okulinga nti, nga mbona abasaadha mukaaga nga bali kuviira mu mulyango ogw'eisinzizo ogw'eitale, ogulingiriire ku luuyi olw'omukono omugooda olw'e buvandhuba. Buli muntu yali agemye mu ngalo ky'aja okwitisa. Baali n'omuntu owundi eyali avaire engoye empegheevu, era ng'ali n'ebintu eby'okughandiikisa. Abantu abo boonaboona bangira, baayemerera gha mbali gh'alutaari ey'ekyuma eky'ekikomo.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Ab'Efeso 6:14

Mwemerere nga muli bagumu, ng'amazima n'olusibiro lwe mwesibye mu nkende, ate obutuufu nga n'ekivaalo eky'omu kifuba eky'ekyuma.

Yoshua 5:13

Yoshua bweyali ng'akaali agho okumpi n'e Yeriko, yaja okulinga ati, ng'abona omusaadha ng'amwemereire mu maiso, era ng'agemye empiima. Yoshua yaaja y'ali, yaamubuuza ati: “Oli ku luuyi lwaife oba lwa bazigu baife?”