Danieli 10:16 - Baibuli Ekibono kya Katonda 2014

¹⁶ Agho malaika eyafaanana ng'oti muntu yangema ku munwa. Olwo naatoolera okwogera, naamukoba nti: “Isebo, okubonekerwa kuno kundeeteire okunakughala kungi, era kwamaliramu irala amaani.

Danieli 10:16 Iomraidhean Croise

Okuvaayo 4:10

Aye Musa yaakoba Musengwa Katonda ati: “Wo Musengwa Katonda, tibangaku mwogezi mulungi okuva eira n'eira. Waire ni mperaano kasookanga otoolera okwogera ninze, nkaali kufuuka mwogezi mulungi. Ndhogera mpola ng'ebigambo ndowoolereza bulowoolereze.”

Okuvaayo 4:13

Aye Musa yairamu ati: “Wo Musengwa Katonda, nkweghembye tuma omuntu owundi.”

Omulangirizi 1:18

Omuntu y'akomya okuba n'amagezi amangi, y'akomya n'okusoberwa; era y'akoma okweyongera okumanha ebingi, y'akoma n'okuba n'enaku.

Isaia 6:7

Kyansiinha ku munwa n'eryanda eryo nga kikoba kiti: “Eryanda lino nga bwe likusiinhie ku munwa, omusango gukutooleibwaku, n'ebibi byo bisoniyiibwa.”

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Ezekieli 1:26

Ghaigulu agh'emitwe egy'ebitonde ebiramu ebyo, mu ibbanga eryali ghaigulu ku ngulu, ghaaligho ekyaboneka ng'oti kityamo kya bwakyabazinga, nga kifaanana ng'oti n'eibaale ery'omughendo eryetebwa saffiro. Ku kityamo ekyo ekyaboneka ng'oti kya bwakyabazinga kwali kutyaimeku eyaboneka ng'oti muntu.

Ezekieli 3:27

Aye bwendiiramu okwogera niiwe, ndisimulula olulimi lwo, waabakobera nze Musengwa Katonda bye nhenda okubakoba. Abo abalyenda okuwulirisa baliwulirisa ate abatalyenda kuwulirisa balirekayo; kuba eighanga eryo lya bantu badheemu.”

Ezekieli 33:22

Eigulo ng'omuntu oyo eyawonagho akaali kwidha, naawulira mule ng'amaani ga Musengwa Katonda gandidhieku. Era omuntu oyo yaja okwidha enkyo nga Musengwa Katonda anzibwire omunwa, nga nsobola okwogera era nga tikaali ng'oti kasiru.

Danieli 12:8

Nze naawulira bye yakoba, aye nga tiri kubitegeera. Kale n'okumubuuza nti: “Musengwa wange, kiki ekiriva mu ebyo byonabyona?”

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Danieli 7:15

Nze Danieli neeraliikirira era naatya olw'okubonekerwa okwo.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Danieli 8:15

Nze Danieli, bwe namala okubona ebyali mu kubonekerwa okwo, naagezaaku okutegeera amakulu gaabyo. Naja okulinga nti nga mbona agho emberi wange ekyemereire ng'oti muntu.

Danieli 8:17

Kale Gaburieli yaaseeta ghe nali nhemereire. Bwe yaidha naatya inho, naakuba amakiryaivu era naakutama n'ekyeni kyatuuka ku itaka. Yankoba ati: “Iwe omuntu obuntu, tegeera ng'okubonekerwa okwo kugema ku biseera bya nkomerero ya nsi.”

Danieli 8:18

Bwe yali ali kwogera ninze, nze neeyala agho ku itaka nga neefundiike, endoolo enhingi einho dhangema. Aye yangemaku yaanhemereza ku magulu gange.

Danieli 8:27

Nze Danieli amaani gampwamu, era naabeera irala mulwaire okumala enaku. Oluvainhuma naamala naasituka, naaja ku mirimo kyabazinga gye yampa. Aye okubonekerwa okwo kwasigala nga kukantabwire, nga tisobola kukutegeera naire.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Luka 1:64

Mangu ago omunwa gwazibuka, olulimi lwasibulukuka, yaayogera era yaasaaka Katonda.

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Yoanne 20:28

Thomasi yaamwiramu ati: “Musengwa wange era Katonda wange!”

Yoshua 5:14

Omusaadha yaamwiramu ati: “Busa. Ndi ghano ng'aduumira eigye lya Musengwa Katonda.” Yoshua yeeyala ghansi, nga bw'amukoba ati: “Nze ndi mugheereza wo, ky'onankoba kye naakola.”

Okwolekebwa 1:13

Ghagati mu bikondo ebyo, nabonamu afaanana ng'oti mwana wa muntu ng'avaire ekivaalo ekituuka ku bigere, era nga yeesibye mu kifuba olusibiro olwa zaabu.

Abalamuzi 13:8

Agho Manoa yaasaba Musengwa Katonda ati: “Wo Musengwa Katonda, nkweghembye leka omuntu wa Katonda ye watumye, aidhe ye tuli kabiri atwegerese kye tuli n'okukolera omwana aja okuzaalibwa.”

Abalamuzi 6:13

Gideoni yaamukoba ati: “Isebo, nkweghembye ka mbuuzeeku: oba nga Musengwa Katonda ali n'ife, lwaki bino byonabyona bitutuukaku? Era ebyewuninkiriza bye yakolanga, badhaadha baife bye baatughayiranga, biri gha? Baatughayiranga bati Musengwa Katonda yabatoola mu Misiri. Aye mpegaano Musengwa Katonda atulekuliire agho, era atughaireyo mu buyinza bw'Abamidia.”

Abalamuzi 6:15

Gideoni yaamukoba ati: “Wo Musengwa Katonda, nkweghembye ka mbuzeeku: Isiraeli nnaamununula ntya? Ekika kyange n'ekisingayo obunafu mu lulyo lwa Manasse, ate nze, ninze nsembayo obuto mu ndhu ya lata.”