Danieli 10:13 - Baibuli Ekibono kya Katonda 2014

¹³ Malaika omukuumi w'obwakyabazinga bw'e Perusia yamala enaku amakumi abiri na lulala (21) nga tali kunganha kwidha, okutuusa Mikaeli owundi ku bamalaika abakulu bwe yaidha n'anhamba. Naamala naamulekayo eyo ng'ali ghalala ni bakyabazinga b'e Perusia.

Danieli 10:13 Iomraidhean Croise

Ezera 4:24

Kale omulimo ogwali guli kukolebwa e Yerusalemu ku isinzizo lya Katonda baagwemereza, okutuusa mu mwaka ogwokubiri ogw'obufuzi bwa kyabazinga Dario ow'e Perusia.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Ab'Efeso 6:12

kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Ab'e Kolosai 2:10

era imwe mwe mwagheerwa obulamu obwidhuvu. Kurisito oyo n'omukulu w'obufuzi era n'obukumu bwonabwona.

1 Ab'e Thessalonika 2:18

Twayenda inho twire tubaboneku, era nze mwene Paulo nagezaaku emikuzi kamaala aye nga Sitaani tatuganha.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.

Yuda 1:9

Ate nga ni bw'aba Mikaeli omukulu wa bamalaika, tiyakola ekyo bwe yali ali kukaayana ni Sitaani, nga bakaayanira omulambo gwa Musa; tiyakana n'akozesa bibono bivuma ng'asalira Sitaani omusango, okutoolaku okumukoba ati: “Katonda akubonereze.”

Okwolekebwa 12:7

Agho obulwa bwatanukagho mu igulu. Mikaeli ni bamalaika be, baalwanisa ogusota. Ogusota gwona gwabalwanisa ni bamalaika baagwo.