Danieli 10:1 - Baibuli Ekibono kya Katonda 2014

¹ Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 10:1 Iomraidhean Croise

Amainhama 41:32

Ekirooto okuba eky'emikuzi ebiri kitegeeza kiti: Katonda asazeegho okukola ekintu ekyo, era nga aidha kukituukiriza mangu.

2 Ebyomubyanda 36:22

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, era yaakita mu bughandiike ati:

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 4:3

Aye Zerubbabeli, ni Yeshua, n'abakulu ab'enda dha baiseibwe mu Isiraeli baabakoba bati: “Titwetaaga buyambi bwaimwe okusobola okuzimbira Musengwa Katonda waife isinzizo. Ife beene tuja kulizimba, nga kyabazinga Kuro ow'e Perusia bwe yatulagira.”

Ezera 4:5

Baaguliriranga abafuzi babatabuletabule mu kigendererwa kyaibwe ekyo. Ekyo baakikola ekiseera kyonakyona Kuro kye yamala nga ni kyabazinga w'e Perusia, n'okutuusa mu biseera Daria mwe yabeera kyabazinga w'e Perusia.

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 6:3

“Mu mwaka ogwasooka nga kyabazinga Kuro n'afuga, kyabazinga Kuro oyo yagha ekiragiro ati, eisinzizo lya Katonda eriri e Yerusalemu bairemu okulizimba, libenga ekifo mwe bagheerayo emisengo n'ebigheebwayo ebyokebwa. Obugungumavu bube mita amakumi abiri na musanvu, n'obugazi bwalyo bwona bube mita amakumi abiri na musanvu.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 1:21

Danieli yaasigala ng'akaagheereza kyabazinga okutuukiza irala mu mwaka ogusooka ogwa kyabazinga Kuro.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 11:2

Mperaano nja kukukobera amazima.” Agho malaika oyo yaayongera okukoba ati: “Bona, ghalisitukagho bakyabazinga abandi basatu mu nsi Perusia baagifuga. Era ghaamala ghaasitukagho kyabazinga owokuna, aliba omukombe einho okusinga abo boonaboona. Oyo bw'alimala okufuuka ow'amaani olw'obukombe bwe, alisiikuula abantu okulwanisa obwakyabazinga bw'e Bugureki.

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Danieli 12:9

Yandhiramu ati: “Danieli, gema engira yo oje, kuba ebintu ebyo biidha kukuumibwa nga bya kyama era bikwekebwe okutuusa ku kiseera eky'enkomerero.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:8

Aye oluvainhuma lwa byonabyona Danieli yaidha. Danieli oyo nga baamutuuma eriina Beluteshazzari erya katonda wange era ng'omwoyo ogwa bakatonda abatukuvu gumuliku. Agho naamukobera ekirooto nti,

Danieli 5:12

Omusaadha oyo akola ebintu n'obusobozi obubitirivu, ali n'amagezi, n'obukugu mu kuvuunula ebirooto, n'okwinhonhola amakulu ag'ebintu ebizibu ebyagisibwa. Kale ni ka beete Danieli oyo kyabazinga ye yatuuma eriina Beluteshazzari, oyo n'aidha okukukobera amakulu g'ekighandiiko ekyo.”

Danieli 5:17

Agho Danieli yaamwiramu ati: “Isebantu kyabazinga, ebirabo byo bisigaze iwe mwene, oba obighe omuntu owundi. Aye nze ndidha kukusomera ekighandiiko ekyo, nkukobere n'amakulu gaakyo.

Danieli 6:28

Kale Danieli oyo ebintu byaba nga bimujiira bukalamu mu biseera Dario Omumedi, ni Kuro Omuperusi, bye baafugiramu.

Danieli 8:16

Naawulira amamiro ag'omuntu nga gava ghagati mu mwiga Ulai, gaayeta gati: “Gaburieli, kobera omusaadha oyo amakulu g'ebyo by'aboine.”

Danieli 8:26

Era okubonekerwa okugema ku misengo egigheebwayo enkyo n'eigulo kwe nkwinhonhoire, kwidha kutuukirira. Aye iwe kuuma ebiri mu kubonekerwa okwo nga bya kyama, kuba ghaidha kubitagho ekiseera kinene memale bituukirire.”

Luka 1:20

Aye ni wulira kino: Oidha kuziba omunwa, obe nga toghanga kwogera okutuusa ku olwo bino lwe biribaagho kuba iwe toikiriza bibono byange, ebirituukirizibwa mu biseera byabyo.”

Okwolekebwa 19:9

Era yankoba ati: “Ghandiika oti: Ba nkabi abo abeeteibwa ku mbaga ey'obugole ey'Entaama Ento.” Kabiri yankoba ati: “Bino n'ebibono bya Katonda byenebyene.”