Danieli 1:20 - Baibuli Ekibono kya Katonda 2014

²⁰ Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 1:20 Iomraidhean Croise

Amainhama 31:7

Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Nehemia 4:12

Abayudaaya abaabanga aghalala n'abazigu baife, nga baidha emikuzi kamaala baatukoba bati: “Abazigu baife baidha kuva mu bifo yoonayoona ye baba, baidhe batulumbe.”

Yobu 19:3

Mwiragainemu emikuzi kamaala nga muli ku nze mwevumira, timuswalaku kumbisa mutyo?

Zabbuli 119:99

Ntegeera inho okusinga abandhegeresa, kuba omwoyo gwange guli ku by'okoba buli kaseera.

Okuvaayo 7:22

Aye abalogo ab'omu Misiri boona baakola ekintu n'ekirala ekyo nga bakozesa eirogo lyaibwe kale omwoyo gwa kyabazinga gwasigala nga mukalangufu, yaaloba kuwulira, era nga Musengwa Katonda bweyakoba.

Okuvaayo 8:19

Abalogo baakoba kyabazinga bati: “Ago maani ga Katonda.” Aye omwoyo gwa kyabazinga gwasigala nga mukalangufu ogutatya, era tiyawulira nga Musengwa Katonda bweyakoba.

Okuvaayo 8:7

Aye abalogo baakozesa eirogo lyaibwe, boona baaleetera ebikere okwidhula ku nsi Misiri.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Ezekieli 28:3

Olowooza oti oli mugezi okusinga Danieli, era nga ghazira kyama kikwekeibwa ky'otaidhi.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 2:13

Kale kyabazinga yaagha ekiragiro abagezigezi boonaboona baitibwe. Era yaalagira baje baleete Danieli ni baine, boona baitibwe.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 5:17

Agho Danieli yaamwiramu ati: “Isebantu kyabazinga, ebirabo byo bisigaze iwe mwene, oba obighe omuntu owundi. Aye nze ndidha kukusomera ekighandiiko ekyo, nkukobere n'amakulu gaakyo.

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.