Danieli 1:2 - Baibuli Ekibono kya Katonda 2014

² Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 1:2 Iomraidhean Croise

Amainhama 10:10

Mu kusooka obwakyabazinga bwe bwalimu ebibuga bino: Babeli, Ereki ni Akkadi nga byonsatuli biri mu kiketezo eky'e Shinari.

Amainhama 11:2

Aye abantu bwe baaja nga batambulatambula eyo batyo mu buvandhuba, baayagaana aghataamuufu baasenga agho.

2 Bakyabazinga 24:1

Yehoiakimu bweyali nga ni kyabazinga, ghaabaagho kyabazinga Nebukadinezzari ow'e Babilonia yaalumba Buyudaaya. Yehoiakimu yaakakibwa okufuuka omugheereza we okumala entangama ya myaka esatu. Aye yaamala yaamwefuulaku, yaamudheemera.

2 Ebyomubyanda 36:5

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Yaakolanga ebibi ebitaasiimya Musengwa Katonda we.

2 Ebyomubyanda 36:7

Nebukadinezzari oyo yaatoola n'ebindi ku bintu ebyakozesebwanga mu isinzizo lya Musengwa Katonda, yaabitwala yaabita mu kisaagaati kye eky'obwakyabazinga e Babilonia.

Ezera 1:7

Era kyabazinga Kuro yaafulumya ebintu eby'omu isinzizo lya Musengwa Katonda, kyabazinga Nebukadinezzari bye yali atoire mu Yerusalemu n'abitwala n'abita mu masabo ag'emisambwa gye.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Yeremia 25:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nafuna obukwenda bwa Musengwa Katonda, nga bugema ku bantu boonaboona ab'omu Buyudaaya. Ogwo n'ogwali omwaka ogusooka nga Nebukadinezzari ni kyabazinga w'e Babilonia.

Yeremia 27:16

Agho naakobera bakabona n'abantu abandi nti Musengwa Katonda yakoba ati: “Mutawulirisa bya balanzi abalanga bati, ‘Mubone eno, ebintu by'eisinzizo bali kumpi okubiiza okuva e Babilonia’. Ebyo balanga bya buguya.

Yeremia 28:3

Mu myaka ebiri egiidha, nja kwiza mu kifo kino ebintu byonabyona eby'eisinzizo, kyabazinga Nebukadinezzari bye yatwala e Babilonia.

Yeremia 35:11

Aye kyabazinga Nebukadinezzari ow'e Babilonia bwe yaidha n'alumba ensi eno, ife twasalagho okwidha e Yerusalemu nga tulumuka amagye ag'Abababilonia n'ag'Abasiria. Kale n'okuba nti buti tuba mu Yerusalemu.”

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Danieli 5:13

Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Zekaria 5:11

Yandhiramu ati: “Bali kukitwala Babilonia, ye baja okukizimbira eisabo. Bwe balimala okulizimba, balita ekiibo ekyo mu isabo eryo baakisinza.”

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 3:8

Kale obusungu bwa Musengwa Katonda bwatumbukira ku Baisiraeli ng'oti muliro, yaaleka kyabazinga Kushani Rishathaimu ow'e Mesopotamia yaabaghangula era yaabafuga okumala emyaka munaana.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

1 Samueli 5:2

Baagitwala baagita mu isabo lya omusambwa gwaibwe Dagoni, era baagita kumpi n'omusambwa ogwo.