Danieli 1:19 - Baibuli Ekibono kya Katonda 2014

¹⁹ Kyabazinga yaayogera nabo, era mu boonaboona yaasinga kusiimamu Danieli, ni Hanania, ni Mishaeli ni Azaria. Kale abo abana, kyabazinga yaabalondamu bamugheerezenga.

Danieli 1:19 Iomraidhean Croise

Amainhama 41:46

Yosefu yali agheza emyaka amakumi asatu (30) ghe yatoolerera okugheereza kyabazinga w'e Misiri. Agho yaava mu kisaagaati kya kyabazinga, yaatambula mu nsi yoonayoona ey'e Misiri.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Ensambo 22:29

Omuntu akola omulimo gwe obukalamu aba nga takaali mu bantu babuliidho, aba agwanira kuba mu bakyabazinga.

Yeremia 15:19

Agho Musengwa Katonda yankoba ati: “Bw'onaira ye ndi, zeena ndidha kukwiza obe wange ompeerezenga. Bw'onaalekera okwogera ebiziramu makulu, n'oyogeranga eby'amakulu, oidha kwiramu okuba omulanzi wange. Abantu baidha kwidhanga y'oli, se ti iwe okujanga ye bali.

Danieli 1:18

Ekiseera eky'emyaka esatu kyabazinga Nebukadinezzari kye yalagira okusomekezangamu abaisuka bwe kyawaaku, Ashipenazi eyakuliranga bagheereza baine abalaawe yaatwala abaisuka boonaboona ye kyabazinga Nebukadinezzari oyo, yaabamwandhulira.

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 1:5

Kyabazinga yaalagira buli lunaku babaghenga ku mere mwene ye yalyangaku, ni ku mwenge ogw'emizabbibu mwene gwe yanhwangaku. Era yaalagira babasomese okumala emyaka esatu, memale babandhuleyo ye kyabazinga bamugheerezenga.

Danieli 1:6

Mu baisuka abaalondebwa n'omwali Danieli, Hanania, Mishaeli ni Azaria, ab'omu kika kya Yuda.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.

Danieli 2:13

Kale kyabazinga yaagha ekiragiro abagezigezi boonaboona baitibwe. Era yaalagira baje baleete Danieli ni baine, boona baitibwe.

Danieli 3:29

“Kale ni mpegaano ndi kugha ekiragiro nti: abantu boonaboona, abava mu maghanga goonagoona, era aboogera enimi dhoonadhoona, bwebanaayogera ekibi kyonakyona ku Katonda wa Shaduraka, ni Meshaki, ni Abedinego, ndidha kulagira babatemeteme, emigulu gigwe ghaagyo n'emikono gigwe ghaagyo. Era endhu dhaimwe baidha kudhizikiriza dhifuuke bifulukwa byereere; kuba ezirayo katonda asobola kuwonia bantu be mu nsambo ng'oti n'eyo.”