Danieli 1:17 - Baibuli Ekibono kya Katonda 2014

¹⁷ Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 1:17 Iomraidhean Croise

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

2 Ebyomubyanda 1:10

nkusaba ompe amagezi n'okumanha, nsobole okukulembera abantu bano kuba naani asobola okufuga eighanga lyo lino eikologho liti?”

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Yobu 32:8

Aye omwoyo gwa Katonda oguli ku bantu, omuuka ogwo ogubateebwamu oyo Aghanga Ebintu Byonabyona, n'ogubagha okutegeera.

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.

Ezekieli 28:3

Olowooza oti oli mugezi okusinga Danieli, era nga ghazira kyama kikwekeibwa ky'otaidhi.

Danieli 1:18

Ekiseera eky'emyaka esatu kyabazinga Nebukadinezzari kye yalagira okusomekezangamu abaisuka bwe kyawaaku, Ashipenazi eyakuliranga bagheereza baine abalaawe yaatwala abaisuka boonaboona ye kyabazinga Nebukadinezzari oyo, yaabamwandhulira.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Danieli 2:30

Katonda, nze yandholeka ekyama ekyo ti lwa kuba nga ninze nsinga okuba omugezi mu bantu abandi boonaboona abalamu, aye lwa kuba yayenda akumanhise amakulu ag'ekirooto kyo era otegeere ebidhuubo ebyakwidhira mu mwoyo gwo.

Danieli 4:6

Kale naagha ekiragiro bandhetere abagezigezi boonaboona ab'omu Babiloni, baidhe bankobere amakulu g'ekirooto ekyo.

Danieli 5:14

Nawulira nga bakwogeraku bati oliku omwoyo gwa bakatonda abatukuvu, era bati weeyoleka okuba omuntu alengera eghala, ng'ali n'okutegeera, era ng'ali n'amagezi agabitiriire.

Danieli 7:1

Mu mwaka ogusooka nga kyabazinga Beleshazzari n'afuga Babilonia, Danieli bwe yali ng'alambaire mu buliri bwe yaabonekerwa mu kirooto. Bwe yamala yaaghandiika ekirooto ekyo ng'akoba byonabyona nga bwe byali.

Danieli 8:1

Mu mwaka ogwokusatu ogw'obufuzi bwa kyabazinga Beleshazzari, nze Danieli nafuna okubonekerwa okwairirira kule okwasooka.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Ebikolwa by'Abatume 6:10

Aye tibaamusobola olw'amagezi aga Mwoyo eyamwogererangamu.

Ebikolwa by'Abatume 7:10

Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.

Ebikolwa by'Abatume 7:22

Musa yaayegeresebwa amagezi ag'Abamisiri, yaaba wa maani mu bibono ni mu bikolwa.

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.