Danieli 1:1 - Baibuli Ekibono kya Katonda 2014

¹ Mu mwaka ogwokusatu nga kyabazinga Yehoiakimu n'afuga Buyudaaya, kyabazinga Nebukadinezzari ow'e Babilonia yaalumba ekibuga Yerusalemu n'eigye lye, yaakizingiza okukyezunguluza.

Danieli 1:1 Iomraidhean Croise

2 Bakyabazinga 23:36

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafuga okumala entangama ya myaka ikumi na mulala mu Yerusalemu. Inhina nga ni Zebida, mughala wa Pedaia ow'e Ruma.

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

Isaia 39:7

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

Yeremia 25:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nafuna obukwenda bwa Musengwa Katonda, nga bugema ku bantu boonaboona ab'omu Buyudaaya. Ogwo n'ogwali omwaka ogusooka nga Nebukadinezzari ni kyabazinga w'e Babilonia.

Yeremia 35:1

Yehoiakimu mutabane wa Yosia bwe yali nga ni kyabazinga wa Buyudaaya, Musengwa Katonda yankoba ati:

Yeremia 35:11

Aye kyabazinga Nebukadinezzari ow'e Babilonia bwe yaidha n'alumba ensi eno, ife twasalagho okwidha e Yerusalemu nga tulumuka amagye ag'Abababilonia n'ag'Abasiria. Kale n'okuba nti buti tuba mu Yerusalemu.”

Yeremia 36:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, Musengwa Katonda yankoba ati:

Yeremia 45:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nze Yeremia naakoba Baruku mutabane wa Neria, yaaghandiika ebibono bino byonabyona nga bwe nabyogera. Era naamukoba nti,

Yeremia 50:1

Buno n'obukwenda Musengwa Katonda bwe yampa obugema ku kibuga Babiloni n'abantu baamu:

Yeremia 52:12

Ku lunaku olweikumi mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Yeremia 52:28

Bano n'abantu kyabazinga Nebukadinezzari be yatwala mu bunhage: Mu mwaka gwe ogwomusanvu nga ni kyabazinga, yatwala abantu enkumi isatu n'amakumi abiri na basatu (3,023).

Danieli 5:13

Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?