Amosi 4:3 - Baibuli Ekibono kya Katonda 2014

³ Balibaghaluliza mu bituli ebibali okumpi nga bibbomoirwa mu kimante ekyezungulwire ekibuga. Ng'olwo babatwala babasuula e Harumoni.” Musengwa Katonda atyo bw'akoba.

Amosi 4:3 Iomraidhean Croise

2 Bakyabazinga 25:4

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

2 Bakyabazinga 7:15

Abakwenda baaja baatuukira irala ku Yorudani, era baabona nga mu ngira mwonamwona mwidhwire ebivaalo n'ebintu ebindi Abasiria bye baasuula nga bali kulumuka. Agho bairayo baakobera kyabazinga.

Isaia 2:20

Ku lunaku olwo, abantu balisuula ere ebisinzibwa ebitali Katonda ebya feeza ni zaabu. Ebintu ebyo beene bye beekolera okubisinzanga, balibirekera mpube na buwundowundo,

Isaia 31:7

Ku lunaku olwo, mwenamwena mulisuula ere ebisinzibwa ebitali Katonda ebya feeza ni zaabu, imwe beene bye mwekolera ebibaleetera okukola ebibi.

Yeremia 52:7

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Ezekieli 12:12

N'omufuzi ali mu bantu abo yeena alibbeeda omugugu gwe ku ibega ng'enzikiiza egemye, yaafuluma. Alibitira mu kituli kye baliwomola mu kimante, yaaja nga yeeghembye mu maiso nga tabona y'aja.

Ezekieli 12:5

Oidha kuwomola ekituli mu kimante ky'endhu yo, obikize omwo ebintu byo ng'abantu bakubona.

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Abalamuzi 5:17

Ab'ekika kya Gadi baasigala ere ng'osomoike Yorudani. Ab'ekika kya Dani, kiki ekyabasigaza mu maato? Ab'ekika kya Asheri baaba ku bukalu bw'enhandha nga basiriike, beesigalira ku myalo.