Amosi 4:1 - Baibuli Ekibono kya Katonda 2014

¹ Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 4:1 Iomraidhean Croise

1 Bakyabazinga 16:24

Yaagula ku Shemeri olusozi Samaria ebitundu kakaaga (6,000) ebya feeza, yaaluzimbaku ekibuga. Ekibuga ekyo kye yaluzimbaku yaakituuma eriina Samaria, ng'ajiira ku liina lya Shemeri eyali mwene lusozi olwo.

Yobu 20:19

olw'okuba yatuntuza abaavu yaabalekulira agho, yaanhaga endhu dh'ataazimba.

Yobu 24:4

Babinga abaavu babaviire mu ngira, baaghaliriza abaghafu okulumukagho n'okwegisa.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Zabbuli 22:12

Abazigu kamaala baneezungulwire ng'oti gate galume; oti ni gale geene agafulagani agava ku itale ku Bashani.

Ensambo 22:7

Abakombe n'abafuga abaavu, era ole eyeewola afuuka mwiru w'ole amuwola.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Isaia 5:8

Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Yeremia 50:11

Musengwa Katonda akoba ati: “Imwe abantu b'omu nsi Babilonia, mwanhagulula eighanga lyange. Muli basangaavu era muli kusagambya, ng'oti n'ente ento bw'etuumiratuumira mu isubi, era muli kugufula ng'oti mbalaasi nume.

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Yeremia 51:34

Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Yeremia 6:6

Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Ezekieli 39:18

Dhirirya emamba ey'abalwani ab'amaani, dhaanhwa n'omusaayi ogw'abafuzi b'ensi, ng'oti gwa ntaama nume na ntaama nto, oba ng'oti gwa mbuzi na gwa nte nume nga dhoonadhoona baadhipiitira e Bashani.

Yoeli 3:3

Baakubira obululu ku bantu bange, baaghaayo abalenzi okusasulira abakazi bamalaaya, era baaghaayo abaghala okubagulamu omwenge, era baagunhwa.

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Amosi 3:3

Era Amosi yaakoba ati, abantu ababiri basobola okutambulira aghalala nga tibaisainia?

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Amosi 6:6

Munhwa amabuga amalamba ag'omwenge ogw'emizabbibu, era mwesiiga ebizigo ebisinga kuba birungi, aye mwaloba kulumirwa nsi Isiraeli ezikiriire.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Okubala 21:33

Agho Abaisiraeli baakyuka, baagema engira eja e Bashani. Kyabazinga Ogi ow'e Bashani yaavaayo n'abantu be boonaboona okulwanisa Abaisiraeli mu Edurei.

Amateeka Agokubiri 24:14

“Omuntu akolera empeera, nga mwavu era ng'ali mu bwetaavu, otamutetenkerezanga n'olobera ku mpeera ye, k'abe Muisiraeli mwino, oba omusenze aba mu kindi ku bibuga byaimwe.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.