Amosi 2:8 - Baibuli Ekibono kya Katonda 2014

⁸ Batenduka mu masinzizo ku ngoye dhe batoola ku baavu ng'omusingo. Era mu ndhu yange nze Katonda waibwe banhweramu omwenge gwe babaleeteire ng'omutango.”

Amosi 2:8 Iomraidhean Croise

Okuvaayo 22:25

“Bw'owolanga empiiya omuntu yeenayeena ku bantu bange abaavu b'olimu, otakolanga ng'abaghozi abandi, n'omutoolaku magoba.

Isaia 57:7

Mwala obuliri bwaimwe ku nsozi endeeyi engungumavu, era eyo ye muja ni mughaayo emisengo, ni mukola n'obwamalaaya obw'omu masabo.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 23:41

Agho baatyama ku buliri obw'ekitiibwa, ng'emberi ghaabwo ghaligho emeeza kwe bataire obubbaani n'omuzigo ogw'ebibala eby'emiti emyoliva bye nabagha.

Hosea 4:8

Mufuuka bakombe olw'ebyo ebigheebwayo abantu bange ku lw'ebibi byaibwe, kyemuva mwenda inho beeyongere okwonoona.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Amosi 3:14

Ku lunaku lwe ndibonerezaaku Abaisiraeli olw'ebibi byaibwe, nja kuzikiriza alutaari edh'e Betheli. N'ebintu ebiri ng'oti mayiga ga nsolo ebiba ku nsonda dhaadho nja kubimenhaku mbisuule ku itaka.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 6:4

Mukagwireku imwe abalambaala mu buliri obw'amasanka, era mwegolomola mu miito, nga muli kulya emamba ye mutoire mu bisibo byaimwe eno ya ntaama, kabiri ere ya nte.

Amosi 6:6

Munhwa amabuga amalamba ag'omwenge ogw'emizabbibu, era mwesiiga ebizigo ebisinga kuba birungi, aye mwaloba kulumirwa nsi Isiraeli ezikiriire.

1 Ab'e Korintho 10:21

Timusobola kunhwa ku kikopo kya Musengwa, era ni munhwa na ku kikopo kya mizimu mibi. Timusobola kulya ku kiiwulo kya Musengwa era ni mulya na ku kiiwulo kya mizimu mibi.

1 Ab'e Korintho 10:7

Mutasinzanga bitali Katonda ng'abandi ku abo bwe baakola, era nga bwe kyaghandiikibwa kiti: “Abantu baatyama okulya n'okunhwa era baira mu makina amabi.”

1 Ab'e Korintho 8:10

Omuntu ali n'omwoyo omunafu bw'akubona iwe oli n'okumanha ng'otyaime okulya mu isabo, kino tikireetera muntu oyo kufuna maani kulya eby'okulya ebigheebwayo eri ebisinzibwa ebitali Katonda?

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.