Amosi 1:1 - Baibuli Ekibono kya Katonda 2014

¹ Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Amosi 1:1 Iomraidhean Croise

2 Samueli 14:2

Kale Yoabu yaayetesa omukazi omugezigezi, baamuleeta okuva e Tekoa. Yaamukoba ati: “Weekoze obe ng'oti n'omuntu afiiriirwa, weesibe ekikaakaati, era olobe kwesiigaku kazigo naire obeere irala ng'omuntu amaze entangama ng'alira omufu.

1 Bakyabazinga 19:19

Kale Eliya yaaja, yaayagaana Elisha mutabane wa Shafati ng'ali kulimisa ente yali n'emiyimbo gy'ente ikumi n'ebiri agho, nga mu kiseera ekyo yali ali kulimisa omuyimbo ogweikumi n'ebiri. Agho Eliya yaabita gh'ali, yaamusuulaku ekivaalo kye.

2 Bakyabazinga 14:21

Abantu boonaboona ab'omu Buyudaaya, baalonda Azaria eyali ng'agheza emyaka eikumi n'omukaaga egy'obukulu, baamufuula kyabazinga okusikira lata we Amazia.

2 Bakyabazinga 14:23

Mu mwaka ogweikumi n'etaanu (15) nga kyabazinga Amazia mutabane wa Yoashi n'afuga Buyudaaya, Yeroboamu mutabane wa Yehoashi yaafuuka kyabazinga wa Isiraeli, era yaafugira mu Samaria okumala entangama ya myaka amakumi ana na mulala (41).

2 Ebyomubyanda 11:6

Bethelehemu, ni Etamu, ni Tekoa,

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Okuvaayo 3:1

Agho Musa bweyali ng'ali kwaya ebyayo bya Yethuro mukoirume we eyamuzaaliranga mukazi we, era nga Yethuro oyo ni kabona w'e Midia, yabitambuza mu irungu e bugwandhuba yaabituusa ni ku lusozi lwa Katonda olwetebwa Horebu.

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Yeremia 1:1

Bino n'ebibono Yeremia bye yayogera. Yeremia oyo yali mutabane wa Hilikia, eyali owundi ku bakabona ab'e Anathothi mu kiketezo kya Benjamini.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Yeremia 7:27

“‘Kale ni, iwe Yeremia, oidha kubakobera ebibono bino. Aye era tibaidha kukuwulirisa. Ni bw'onaabeeta, tibaidha kuvugira.

Hosea 1:1

Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Matayo 4:18

Yesu yali ng'atambula ku mbali okw'enhandha ey'e Galilaaya, yaabona aboluganda babiri: Simoni ayetebwa Petero ni Anderea muganda we, nga bali kutega akatimba mu nhandha kuba baali bavubi.

1 Ab'e Korintho 1:27

Katonda yasalagho okulonda abo ensi b'etwala nga basiru, aswaze abagezi. Era yaalonda abo ensi b'etwala okuba abanafu, aswaze ab'amaani.