Ab'Efeso 5:3 - Baibuli Ekibono kya Katonda 2014

³ Ng'abatuukirivu bwe bandibaire, bino tibigwaine na kwogerebwa mu imwe: okwenda, obudankaanu, n'okwegomba okubi.

Ab'Efeso 5:3 Iomraidhean Croise

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Zabbuli 119:36

Nhamba okwendanga okukola by'okoba, okusinga okwendanga eby'obufuni.

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okuvaayo 20:17

“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”

Okuvaayo 23:13

“Mukuume ebiragiro ebyo byonabyona mulobe kubisobya. Mwerabirire irala emisambwa gyonagyona, era mutaganhanga maina gaagyo na kubabita mu kanwa.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Abalevi 15:18

Era omusaadha bw'anaabanga ng'abaire n'omukazi bombi banaabanga n'okunaaba omubiri mu maadhi, aye era baasigala nga tiibalongoofu okutuusa eigulo.

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Ebikolwa by'Abatume 15:20

Aye tubaghandiikire tubakobe beeghale okutwalirizibwa ebisinzibwa ebitali Katonda, obwenzi, ebitugiibwa waire omusaayi.

Ebikolwa by'Abatume 20:33

Tyegombanga feeza oba zaabu oba kivaalo kya muntu yeenayeena.

Ab'e Roma 1:29

Baidhwire obubi obwa buli nsambo: okukola ebibi, obuluvu, n'eitima. Baidhwire ensaalwa, okutemula abantu, okulwana, obuguya, enge, n'okugeya.

Ab'e Roma 16:2

Mumusangaaze mu liina lya Musengwa ng'abantu ba Katonda bwe basangaaza, era mumuyambe mu kiisi ky'ayenda, kuba ye mwene yayamba abantu kamaala era nga zeena mwe ndi.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

1 Ab'e Korintho 10:8

Tulobenga kukola bikolwa bya bwenzi ng'abandi ku abo bwe baakola, ni bafa emitwalo ebiri n'enkumi eisatu (23,000) ku lunaku olulala.

1 Ab'e Korintho 5:1

Bakoba mbu mu imwe mulimu obwenzi obubi einho obutaagaanibwa na mu bataikiriza Katonda ng'omuntu okweiriza muka ise!

1 Ab'e Korintho 6:13

Owundi yaakoba ati: “Emere yakolerwa mabunda, ate amabunda gaakolerwa mere.” Aye Katonda alibitoolagho byombi. Omubiri tigwakolerwa bwenzi aye gwakolerwa okugheereza Musengwa, era Musengwa ni mwene mubiri.

1 Ab'e Korintho 6:18

Mweghalenga obwenzi. Ebibi ebindi omuntu by'akola tabikola ku mubiri gwe, aye omwenzi ayonoona ku mubiri gwe gwene.

2 Ab'e Korintho 12:21

Era ntya nti bwe ndiidha kabiri, Katonda alinfeebya mu maiso gaimwe, naalira olw'abantu kamaala abaakola eira ebibi, aye ni bateiraku olw'ebikolwa eby'obwenzi n'obudankaanu bye baakola.

Ab'Efeso 5:12

Kuba ebyo bye bakola mu ngiso bigemya ensoni n'okubyogeraku.

Ab'Efeso 5:5

Mumanhire irala kino muti omwenzi, omudankaanu, oba ali n'okwegomba okubi, azira mugabo mu Bwakyabazinga bwa Kurisito era obwa Katonda; kuba okwegomba okubi kwona kuba kusinza bitali Katonda.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

1 Ab'e Thessalonika 4:3

Katonda ayenda, mube batukuvu, era mulekere irala obwenzi.

1 Ab'e Thessalonika 4:7

Katonda atweta tube batukuvu aye ti kuba badankaanu.

1 Timotheo 2:10

Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

2 Timotheo 3:2

Abantu balyefaaku bonka, baliba n'amairu ag'empiiya, balyetuusa, balyesaakiriza, baliba bavumagani, baliroba okuwulira ababazaala, baliba abatasiima, abatali batukuvu,

Tito 1:11

Abantu abo bateekwa okusirisibwa, kuba bali kukiidhamya okwikiriza okw'amaka amalambirira kamaala, nga beegeresa ebyo bye batagwaniire kwegeresa olw'okwenda okugwidhubanira eby'okufuna.

Tito 1:7

Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.

Tito 2:3

Abakazi abakulu boona bakubirizenga, babenga n'empisa edhigwanira abantu abatya Katonda nga tibasalagania bibono, era nga ti batamiivu. Bateekwa okwegeresanga ebigwaniire,

Abaheburayi 12:16

Mwekuume ghalobe kubaagho mwenzi oba atatya Katonda ng'Esau, eyatunda obusika bwe olw'omwiguto omulala guti.

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

2 Petero 2:14

Bamoga bwenzi bwereere era tibasinwa kukola bibi. Basendasenda abanafu mu kwikiriza. Emyoyo gyaibwe girowooleza bwa mu kufuna. Ba kuzikirira!

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

Okwolekebwa 2:14

“Aye ndiku ni bye ntakusiimaku: Eyo oliyo n'abantu abajiira ku kwegeresa kwa Balaamu eyayegeresa Balaki okusendasenda Abaisiraeli okugwa mu kibi balye ebigheereibwayo eri ebisinzibwa ebitali Katonda, era bakole eby'obudankaanu.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Okwolekebwa 9:21

Era baaloba okwenenia olw'obutemo bwaibwe, n'obulogo bwaibwe, n'obudankaanu bwaibwe, n'obwibi bwaibwe.

1 Samueli 8:3

Aye batabane ba Samueli abo tibeebisanga mu nsambo iseibwe ye yeebisangamu. Baajiiranga inho ku by'okufuna, n'okulya enguzi, era n'okusaliriza emisango.