Ab'Efeso 5:2 - Baibuli Ekibono kya Katonda 2014

² Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'Efeso 5:2 Iomraidhean Croise

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Okuvaayo 29:18

Ekyo n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Okuvaayo 29:25

Agho obibatoole mu ngalo obyokere ku alutaari ng'oyongereza ku kigheebwayo ekyokebwa ekinaaba kiriku. Akawoowo akava ku kigheebwayo ekyo ekyokebwa kasangaaza nze Musengwa Katonda.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:17

Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 3:16

Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Amosi 5:21

Musengwa Katonda akoba ati: “Nsiniirwa era tibona makulu mu bibinuko byaimwe. Era timuunhoonha naire, bwe mwesoloza okwidha okunsinza.

Okubala 7:21

ente enume ndala entaama ento enume ndala ey'omwaka omulala, n'entaama enume ndala enkulu; ekyo nga n'ekigheebwayo ekyokebwa.

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Yoanne 13:34

Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 8:37

Aye mu ebyo byonabyona tughangulira irala ku lw'oyo eyatugonza

1 Ab'e Korintho 16:14

Byonabyona bye mukola mubikolenga n'omwoyo ogugonza.

1 Ab'e Korintho 5:7

Mwetoolemu ekizimbulukusa ekikaire eky'ekibi, olwo mube engaano empyaka omuzira kizimbulukusa nga bwe muli bwenebwene. Kuba Kurisito, entaama yaife ey'Ekibinuko eky'Okubitizibwa yamala okwitibwa.

2 Ab'e Korintho 2:14

Aye Katonda yeekaza kuba buliidho ng'abita mu Kurisito atutuusa ku kugabana ku bughanguzi bwa Kurisito oyo, era yaatukozesa mu kubunisa amawulire ga Kurisito woonawoona, ng'oti n'akawoowo bwe kabuna woonawoona.

2 Ab'e Korintho 2:15

Kuba ife tuli ng'oti n'obubbaani Kurisito bw'aniosa, Katonda awulire akawoowo akabuna mu b'okulokolebwa n'ab'okuzikirira.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Ab'e Galatia 1:4

Yesu Kurisito ono n'eyeeghaayo olw'okwona kwaife atununule mu byanda bino bye tulimu buti ebyonooni, nga Katonda Lata waife bwe yayenda.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Ab'Efeso 3:19

Mbasabira mumanhe okugonza okwo okulemye abamanhi boonaboona okumanha, olwo mwidhulire irala Katonda.

Ab'Efeso 4:15

Aye tube ba mazima mu kugonzania, tukakate mu byonabyona okutuuka ku kubeera irala abatuukiriire mu bulamu bwa Kurisito, omutwe gwaife.

Ab'Efeso 4:2

Mube bawombeefu, abatali ba ikabyo era abaguminkiriza. Mulage okugonzania kwaimwe, nga buli muntu aguminkiriza mwine.

Ab'Efeso 5:15

Kale mwegendereze bwe mwebisa mulobe kuba ng'abazira magezi aye mube ng'abagezi.

Ab'Efeso 5:25

Imwe abasaadha mugonzenga bakazi baimwe, nga Kurisito bwe yagonza Ekikunsu eky'Abaikiriza mu Kurisito ni yeeghaayo ku lwa kyo.

Amateeka Agokubiri 27:6

Kuba alutaari ya Musengwa Katonda waimwe, mwidha kugizimbisanga mabaale gatali mateme gaaku. Era ku alutaari okwo kwe mwidha okugheerangayo ye Musengwa Katonda waimwe ebigheebwayo ebyokebwa.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Ab'e Kolosai 3:14

Ku ebyo muteereku okugonza nga n'okusiba byonabyona aghalala, ni biisania obukalamu.

1 Ab'e Thessalonika 4:9

Tikyetaagisa muntu kubaghandiikira ku bigema ku kugonzania ng'abaikiriza. Katonda mwene n'eyabeegesa okugonza.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 8:3

Buli Mukulu wa Bakabona yeenayeena, ateebwagho okughaayo ebirabo n'emisengo. Kale, ni Kabona Omukulu owaife yeena kyava agwaine okubaaku ni ky'aghaayooku.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Abaheburayi 9:23

Ebintu ebyo ebyefaanaanirizaaku ku bire eby'omu igulu byalinga n'okwamulwa mu nsambo oti n'eyo. Aye eby'omu igulu byene biri n'okwamulibwa n'emisengo egisingaku obukalamu.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

1 Petero 4:8

Ekisinga byonabyona obukulu, mugonzanienga mu mazima, kuba okugonzania kusonighisa ebibi kamaala.

1 Yoanne 3:16

Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.

1 Yoanne 3:23

Ekiragiro kye ni kino: Okwikiriza Eriina ly'Omwana we Yesu Kurisito era n'okugonzania nga bwe yatulagira.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.