Ab'Efeso 4:4 - Baibuli Ekibono kya Katonda 2014

⁴ Omubiri guli mulala, ni Mwoyo mulala, ng'era ekisuubizo kye mwayeterwa bwekiri ekirala.

Ab'Efeso 4:4 Iomraidhean Croise

Zabbuli 122:8

Olwa baganda bange ni bakagwa bange, nsaba nti: “Emiraala gibenga mu iwe.”

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 17:7

Aye wa nkabi oyo aneesiga nze Musengwa Katonda era n'asuubirira mu nze.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Ebikolwa by'Abatume 15:11

Aye twikiriza tuti ife tulokolebwa lwa kisa kya Musengwa Yesu nga boona bwe balokolebwa.”

Ab'e Roma 11:29

Kuba Katonda tiyeidhusa bw'alondamu, oba bw'agabira abantu.

1 Ab'e Korintho 10:17

Kuba waire tuli kamaala, tuli mubiri mulala, kuba tulya omugaati mulala.

1 Ab'e Korintho 12:20

Aye nga bwekiri, ebitundu biri kamaala aye omubiri guli mulala.

2 Ab'e Korintho 11:4

Kuba muganha mangu omuntu bw'aidha n'abakobera Yesu owundi ife ye tutabakoberangaku, oba bwe mufuna mwoyo owundi atali Mwoyo Mutukuvu ye mwafuna, oba ole bw'abakobera amawulire amalungi agandi agatali ago ge twabakobera.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'Efeso 2:16

Yaafiira ku musalaba aghange okumalagho enzigu, era atwize eri Katonda nga tuli muntu mulala.

Ab'Efeso 2:18

Twenatwena tubita mu mwene nga tuli mu Mwoyo mulala, twaghanga okutuuka ye Lata.

Ab'Efeso 2:22

Era mu oyo mwena muzimbibwa mwafuuka endhu ya Katonda mu Mwoyo.

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

Ab'Efeso 5:30

kuba tuli bitundu bya mubiri gwe.

Ab'e Kolosai 1:5

olw'ebyo bye musuubira, ebyabakuumirwa mu igulu. Bino mwabiwuliraku mu bibono eby'amazima, Amawulire Amalungi.

Ab'e Kolosai 3:15

Era emiraala gya Kurisito Katonda, gye yabeetera okuba aghalala ng'ebitundu eby'omubiri omulala, gifuge emyoyo gyaimwe. Ate era mwoleke okusiima kwaimwe.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Tito 3:7

Ekyo yakikola okutugheesa obutuukirivu olw'ekisa kye, tusuubire okugheebwa obulamu obutawaagho.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Yoanne 3:3

Oyo yeenayeena ali n'okusuubira kuno mu Kurisito yeetukuza oti ni Kurisito mwene bw'ali omutukuvu.