Ab'Efeso 1:9 - Baibuli Ekibono kya Katonda 2014

⁹ yatumanhisa ekyama eky'ebyo bye yayenda, bye yali yategeka eira okutuukiririza mu Kurisito.

Ab'Efeso 1:9 Iomraidhean Croise

Zabbuli 33:11

Aye mwene bw'ategeka ebibye bituukirira ebyanda n'ebyanda; ebidhuubo bye bisigalagho ense n'ense.

Yeremia 2:29

Musango ki gwe muunumiriza? Lwaki mwenamwena mundheemeire?

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Ebikolwa by'Abatume 13:48

Abamaghanga agandi bwe baawulira ebyo, baasangaala, ekibono kya Katonda baakitaamu ekitiisa. Abo abaali balondeibwa okufuna obulamu obutawaagho baikiriza.

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

Ab'e Galatia 1:12

Ghazira muntu yagankobera oba okugandhegeresa; Yesu Kurisito mwene n'eyagandholeka.

Ab'e Galatia 1:15

Aye Katonda yali yamala ira okuunonda nga nkaali na kuzaalibwa, yandhawula era yantaagho okumukolera omulimo olw'ekisa kye.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 1:8

kye yatugemerwa. Katonda mu magezi ge goonagoona ni mu kumanha kwe,

Ab'Efeso 3:11

Katonda yakola kino ng'ajiira ku kigendererwa eky'ebyanda n'ebyanda era kye yatuukiriza mu Kurisito Yesu Musengwa waife.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.