Ab'Efeso 1:4 - Baibuli Ekibono kya Katonda 2014

⁴ Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'Efeso 1:4 Iomraidhean Croise

2 Samueli 22:24

Mu maiso ge nzira musango, era neekuuma ndobe kugwa mu kibi.

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 20:7

Kale mubenga batukuvu, kuba ninze Musengwa Katonda waimwe.

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Ebikolwa by'Abatume 13:48

Abamaghanga agandi bwe baawulira ebyo, baasangaala, ekibono kya Katonda baakitaamu ekitiisa. Abo abaali balondeibwa okufuna obulamu obutawaagho baikiriza.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ebikolwa by'Abatume 18:10

Kuba ndi n'iwe, ghazira aidha kukukola kabi, kuba ndi n'abantu kamaala mu kibuga muno.”

Ab'e Roma 8:33

Naani alivunaana abalondemu ba Katonda, Katonda mwene bw'aba nga tabavunaana?

1 Ab'e Korintho 1:8

Ono n'alibagemerera mwaba bagumu okutuusa ku nkomerero, mulobe kuba na musango gwonagwona ku lunaku lwa Musengwa waife Yesu Kurisito.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Ab'Efeso 4:2

Mube bawombeefu, abatali ba ikabyo era abaguminkiriza. Mulage okugonzania kwaimwe, nga buli muntu aguminkiriza mwine.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'Efeso 5:27

olwo yeefunira Ekikunsu ky'Abaikiriza mu Kurisito eky'ekitiisa ekiri ng'omuntu aziraku kamyamya na nkokyo waire ekintu ekindi ekiri ng'oti n'ebyo, aye ekitukuvu era ekiziraku kikibulaku.

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

Ab'e Kolosai 1:22

Aye mperaano olw'okufa kwa Kurisito mu mubiri, yabafuula bakagwa be, musobole okuba mu maiso ge nga muli batukuvu, abaziraku kimyamya kyonakyona era waire kibi kyonakyona.

Ab'e Kolosai 2:2

Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

1 Ab'e Thessalonika 3:12

Era Musengwa abongeremu okugonzanianga beene na beene, n'okugonzanga abantu boonaboona oti niife bwe tubagonza.

1 Ab'e Thessalonika 4:7

Katonda atweta tube batukuvu aye ti kuba badankaanu.

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

2 Timotheo 2:10

Kyenva ngumira buli kintu olw'obulungi bw'abalonde, olwo bafune okulokolebwa n'ekitiisa ekitawaagho ebiri mu Kurisito Yesu.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Petero 1:20

Kurisito oyo yalondebwa nga n'ensi ekaali kutondebwa, aye yaaboneka mu biseera bino ebisembayo ku lwaimwe.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

1 Yoanne 4:16

Twidhi era twikiriza okugonza kwa Katonda okuli mu ife. Katonda aba kugonza, era yeenayeena aba mu kugonza aba mu Katonda era ni Katonda yaamubaamu.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.