Ab'Efeso 1:16 - Baibuli Ekibono kya Katonda 2014

¹⁶ tirekeranga kweyanza Katonda ku lwaimwe. Mbaidhukira, naabasabira,

Ab'Efeso 1:16 Iomraidhean Croise

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

Ab'e Kolosai 1:3

Buli kaakyeire twebaza Katonda Lata wa Musengwa waife Yesu Kurisito nga tubasabira,

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

1 Ab'e Thessalonika 1:2

Buliidho tusiima Katonda olwa imwe mwenamwena nga titwosa kubasabira.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.

1 Ab'e Thessalonika 5:17

musabenga buliidho

Isaia 62:6

Iwe Yerusalemu, ntaire abakuumi ku bimante byo, abataidha kusirikanga omusana n'obwire. Bateekwa okwidhukizanga Musengwa Katonda atuukirize bye yasuubiza, nga tibawuumulamu naire.

1 Samueli 7:8

Abaisiraeli baakoba Samueli bati: “Otalekera kweghemba Musengwa Katonda waife, atuwonie Abafilisiti.”

Amainhama 40:14

Aye nkweghembye ondidhukiranga nga bikujiiriire bukalamu, wangemerwa ekivunika, wandhogererayo eri kyabazinga, wantoola mu ikomera muno.