Abalevi 8:9 - Baibuli Ekibono kya Katonda 2014

⁹ Yaamusiba ekitambaala ku mutwe, era agho mu maiso gaakyo yaakisibaku akapande aka zaabu, ng'eyo n'engule entukuvu, nga Musengwa Katonda bweyamulagira.

Abalevi 8:9 Iomraidhean Croise

Okuvaayo 28:4

Ebivaalo bye babe bakole ni bino: eky'omu kifuba, eky'obwakabona, ekanzu, ekivaalo ekidholige n'empiso n'ewuuzi, ekitambaala eky'oku mutwe, n'olukoma. Baidha kukolera muganda wo oyo Aaroni ni batabane ebivaalo ebitukuvu bampeereze nga bakabona.

Okuvaayo 29:6

Oidha kumusiba ekitambaala ku mutwe era ote engule entukuvu ku kitambaala ekyo.

Okuvaayo 40:16

Musa yaakola byonabyona, nga bwenebwene Musengwa Katonda bweyamulagira.

Abalevi 8:21

Era bweyamala okunaaza ebyenda n'ebibbonge, yaabyokera ku alutaari ghalala n'ebitundu ebyasigalagho, nga Musengwa Katonda bweyamulagira ekyo nga n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Abalevi 8:36

Kale, Aaroni ni batabane be baakola byonabyona Musengwa Katonda bye yalagira ng'abita mu Musa.

Zekaria 3:5

Era yaalagira ati: “Mumusibe n'ekitambaala ekitukula ku mutwe.” Kale baamusiba ekitambaala ekitukula ku mutwe, baamuvaaza n'ebivaalo ebitukula, nga malaika wa Musengwa Katonda ayemereire agho.