Abalevi 8:8 - Baibuli Ekibono kya Katonda 2014

⁸ Yaamuvaaza ekivaalo eky'omu kifuba, yaakitaamu ebintu ebyetebwa Urimu ni Thummimu.

Abalevi 8:8 Iomraidhean Croise

Ezera 2:63

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

Nehemia 7:65

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona aghanga okwebuuza ku Musengwa Katonda ng'akozesa Urimu ni Thummimu.

Okuvaayo 29:1

“Buti kino ky'oja okubakolaku mu kubaawula, olwo bampeereze nga bakabona. Funayo ente enume ento n'entaama enume ibiri, nga dhiziraku kikyamu kyonakyona

Olwembo 8:6

Gonzanga mulala nze zenka, onsibe ku omwoyo gwo ng'akamanhiso. Olobenga kugemerera wundi mu makono go okutoolaku nze zenka. Kuba okugonza kuli n'amaani agaagayaga n'ag'olumbe; eighali liri n'obukambwe obwagayaga n'obw'okufa. Okugonza kutumbuka ng'oti muliro gwene, kwayokya ng'oti n'omuliro oguli kubbeibbera ogw'amaani.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Ab'Efeso 6:14

Mwemerere nga muli bagumu, ng'amazima n'olusibiro lwe mwesibye mu nkende, ate obutuufu nga n'ekivaalo eky'omu kifuba eky'ekyuma.

Amateeka Agokubiri 33:8

Yaasabira Abalevi ati: “Wo Musengwa Katonda, kozesa Urimu ni Thummimu, oyoleke abantu bo ky'oyenda, ng'obita mu Balevi abagheereza bo abeesigwa. Wabaleba e Massa, waakakasa nga batuufu gha maadhi g'e Meriba.

1 Ab'e Thessalonika 5:8

Aye nga ife bwe tuli ab'omusana tulobe kutamiira, aye tube n'okwikiriza n'okugonza ng'ekivaalo eky'omu kifuba eky'ekyuma. Tube n'eisuubi ery'okulokoka ng'enkuufiira ey'ekyuma ku mutwe.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.

1 Samueli 28:6

Era yeebuuza ku Musengwa Katonda, aye Musengwa Katonda yaaloba kumwiramu, ka mube mu birooto, oba mu kukozesa Urimu, oba waire ng'abita mu balanzi.