Abalevi 7:6 - Baibuli Ekibono kya Katonda 2014

⁶ Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Abalevi 7:6 Iomraidhean Croise

Ezekieli 42:13

Agho omusaadha yankoba ati: “Ebizimbe ebyo byombi ebirinzagainia n'oluya, ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, bizimbe bitukuvu. Omwo bakabona abaseeta ye Musengwa Katonda, mwe banaaliiranga ebigheebwayo ebitukuvu einho. Era olw'okuba ebizimbe ebyo bitukuvu, omwo mwe banaaterekanga n'ebigheebwayo ebitukuvu einho: ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 21:22

Omuntu oyo, aikirizibwa okulya ku bigheereibwayo eri Katonda we, ku by'okulya ebitukuvu einho, ni ku bindi ebitukuvu.

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:29

Kiisi musaadha ow'oku lulyo lwa Aaroni, anaabanga wa idembe okukiryaku. Kitukuvu inho.

Abalevi 7:5

Kabona anaayokeranga byonabyona ku alutaari ng'ekigheebwayo ekyokebwa omuliro. Ekyo n'ekigheebwayo ng'omutango.

Haggai 2:12

Ole asobola okutoola ekinofu ky'emamba ey'omusengo emaze okutukuzibwa, yaakitwalira mu lugoye lw'avaire. Aye bw'aleka akatundu ku lugoye olwo ni kasiinha ku mugaati, oba ku mere enfumbe yoonayoona, oba ku mwenge ogw'emizabbibu, oba ku muzigo ogw'ebibala eby'emiti emyoliva, oba ku ky'okulya ekindi kyonakyona, obwo eky'okulya ekyo kifuuka kitukuvu kyona?” Bakabona bairamu bati: “Busa.”

1 Ab'e Korintho 10:18

Kale mubonere ku Baisiraeli abo abalya ebigheebwayo eri Katonda baba tibagabaniire ghalala mu kugheereza Katonda ku alutaari?

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?