Abalevi 7:2 - Baibuli Ekibono kya Katonda 2014

² Ensolo ey'ekigheebwayo kino enaitirwanga ku luuyi olw'omukono omugooda ng'olingiriire e buvandhuba, agho ghe baitira ensolo edhigheebwayo okwokebwa. Era omusaayi gwayo gunaamansirwanga ku ndhuyi dhoonadhoona edh'alutaari.

Abalevi 7:2 Iomraidhean Croise

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Ezekieli 40:39

Era mu kisenge ekyo mwalimu emeeza ibiri ibiri ku luuyi ni ku luuyi. Ku meeza edho kwe baitiranga ebigheebwayo ebyokebwa byonabyona okuwaagho, n'ebigheebwayo olw'ebibi, n'ebigheebwayo ng'omutango.

Abalevi 1:11

Anaagiitiranga ku luuyi lw'alutaari olw'omukono omugooda olw'e buvandhuba. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 1:5

Anaitiranga ente agho mu maiso ga Musengwa Katonda, era bakabona ab'oku lulyo lwa Aaroni baatwala omusaayi, baagumansira ku ndhuyi dhoonadhoona edh'alutaari eri ku mulyango gw'Eweema ey'Okwagaananirangamu ni Musengwa Katonda.

Abalevi 14:13

Agho anaitiranga entaama eyo ento mu kifo ekitukuvu aghaitirwa ensolo dhe baghaayo ng'ekigheebwayo olw'ebibi, n'edho dhe baghaayo ng'ekigheebwayo ekyokebwa. Anaakolanga atyo, kuba ekigheebwayo ng'omutango kiba kya kabona ng'oti n'ekigheebwayo olw'ebibi bwe kiba, era kitukuvu inho.

Abalevi 3:2

Omuntu oyo aidha kutanga omukono gwe ku mutwe gwayo, era anaagiitiranga agho ku mulyango gw'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 3:8

Anaatanga omukono gwe ku mutwe gwayo, yaagiitiranga agho emberi w'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 4:24

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda aghaitirwa ensolo edh'ebigheebwayo ebyokebwa; ekyo n'ekigheebwayo olw'ebibi.

Abalevi 4:29

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda, aghaitirwa ensolo edh'ebigheebwayo ebyokebwa.

Abalevi 4:33

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, aghaitirwa ensolo edh'ebigheebwayo ebyokebwa.

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.

Abalevi 5:7

Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Abalevi 5:9

Era anaamansiranga ogundi ku musaayi gwayo mu mbali mw'alutaari ogusigairegho gwonagwona yaagukamulira ku ntobo y'alutaari eyo. Ekyo n'ekigheebwayo olw'ebibi.

Abalevi 6:25

aghe Aaroni ni batabane be amateeka aganaafuganga ekigheebwayo olw'ebibi ati: “Mu kifo mwene mwe baitira ekigheebwayo ekyokebwa, mwe banaitiranga n'ekigheebwayo olw'ebibi, agho mu maiso ga Musengwa Katonda. Ekigheebwayo kino kitukuvu inho.

Abalevi 6:7

Kabona anaaghangayo omusengo olw'omuntu oyo mu maiso ga Musengwa Katonda, era omuntu oyo anaasoniyibwanga.”

Okubala 6:12

era airengamu buyaaka okweghaayo okuba owa Musengwa Katonda okumala entangama y'anaamalanga nga yeeghaireyo. Agho aidha kughangayo entaama ento enume egheza omwaka omulala, ebe ekigheebwayo ng'omutango. Olwo ekiseera eky'einhuma kye yamala nga yeeghaireyo okuba owa Musengwa Katonda kinaabanga nga tikikaabalwa, kuba kyayonoonebwa.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abaheburayi 12:24

Mwidhie ye Yesu eyakwania endagaano empyaka. Mwidhie y'omusaayi ogumansirwa, ogwogera ebikalamu okusinga ogwa Abeli.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.