Abalevi 7:12 - Baibuli Ekibono kya Katonda 2014

¹² Omuntu bw'anaaghangayo ekigheebwayo ekyo olw'okwebaza Katonda, anaagheerangaku emigaati eminene egitazimbulukusiibwa egitabwirwamu omuzigo, oba emigaati emitono egitazimbulukusiibwa egisiigiibwaku omuzigo, oba emigaati egikoleibwa mu buwunga obuseereibwa obukalamu, obutabwirwamu omuzigo.

Abalevi 7:12 Iomraidhean Croise

2 Ebyomubyanda 29:31

Agho Hezekia yaakoba abantu ati: “Mpegaano ni, nga bwe mumaze okwetukuza ni muba aba Musengwa Katonda, museete muleete mu isinzizo emisengo n'ebigheebwayo olw'okwebaza.” Abantu abaali beesoloiza baaleeta emisengo n'ebigheebwayo olw'okwebaza. Era abandi baaleeta ebigheebwayo ebyokebwa eby'ekyeyendere.

2 Ebyomubyanda 33:16

Yaazimba buyaaka alutaari ya Musengwa Katonda, era yaagheerayo ku alutaari eyo ebigheebwayo olw'okutabagana n'ebigheebwayo olw'okwebaza. Era yaalagira abantu b'omu Buyudaaya okusinzanga Musengwa Katonda, Katonda wa Isiraeli.

Nehemia 12:43

Ku lunaku olwo baaghaayo emisengo kamaala inho, nga basagamba olw'okuba Katonda yabagha eisanhu lingi inho. Abakazi n'abaana boona baasagamba, era okusanhuka okwali mu Yerusalemu kwatuuka ghala inho okuva agho.

Zabbuli 107:8

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 116:17

Wo Musengwa Katonda, ndidha kukugheereza omusengo olw'okukusiima, era mpeereze n'okusaba kwange y'oli.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Abalevi 2:4

“Ekigheebwayo ekinaaleetebwanga bwe kinaabanga eky'emigaati egifumbiibwa nga giziikiibwa mu ziiko, giidha kubanga nga giteekwa okuba emigaati eminene egitazimbulukusiibwa, egy'obuwunga obuseereibwa obukalamu, obutabwirwamu omuzigo, oba emigaati emitono egitazimbulukusiibwa, egisiigiibwaku omuzigo.

Abalevi 2:5

“Ekigheebwayo bwe kinaabanga eky'emigaati egikalangiibwa ku lugyo, giidha kubanga gya buwunga obuseereibwa obukalamu nga butabwirwamu omuzigo, aye nga buziramu kizimbulukusa.

Abalevi 22:29

Bwe munaabanga mughaayo omusengo eri Musengwa Katonda olw'okwebaza, mugughangayo nga mujiira ku mateeka, memale yaagusiima.

Abalevi 6:16

Ekyo ekisigalagho bakabona n'abanaakiryanga. Kinaafumbwangamu emigaati egitazimbulukusiibwa, era baagiriira mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 7:15

Emamba ey'ekigheebwayo ekyo, enaaliibwanga ku olwo lwe kigheereibwayo, tighaabengagho esula.

Amosi 4:5

Era mugheeyo emigaati egizimbulukusiibwa ng'omusengo ogw'okwebaza Katonda. Era mulangirire ebigheebwayo byaimwe eby'ekyeyendere okumanhisa buli muntu kuba ekyo mukyenda inho!

Okubala 6:15

Era aidha kughangayo ekiibo eky'emigaati egitazimbulukusiibwa, n'egindi egikoleibwa mu buwunga obuseereibwa obukalamu nga gitabwirwamu omuzigo, n'emitono egisiigiibwaku omuzigo, n'ebigheebwayo ebijiiraku bino: eky'emere ey'empeke n'eky'ebyokunhwa.

Luka 17:16

era yaatuuka yeeyala ku itaka agho gha bigere bya Yesu nga yeeyanza. Era ono yali Musamaria.

Luka 17:18

Tighabaire aira kugha Katonda kitiisa okutoolaku ono ow'eighanga erindi?”

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'Efeso 5:20

Buliidho mweyanzenga Katonda Iseife olwa byonabyona, nga mubita mu Musengwa waife Yesu Kurisito.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.