Abalevi 5:4 - Baibuli Ekibono kya Katonda 2014

⁴ Omuntu bw'anaayanguyirizanga okweyama okukola ekintu ekirungi oba ekibi, nga tataireyo mwoyo ng'abantu bwe bakola, anaabangaku omusango amangu geene ng'ategeire ky'akoze.

Abalevi 5:4 Iomraidhean Croise

2 Samueli 21:7

Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Zabbuli 106:33

kuba baamuleetera okusungughala einho, kyaviiramu Musa oyo okwogera nga tasoose kulowooza.

Abalevi 5:13

Mu nsambo eyo kabona anaabanga aghaireyo omusengo olw'ekibi omuntu oyo ky'akoze, era omuntu oyo anaasoniyibwanga. Obuwunga obusigairegho bunaabanga bwa kabona, nga bwe kiba ku kigheebwayo eky'emere ey'empeke.

Abalevi 5:3

Omuntu bw'anaagemanga ku kintu kyonakyona ekiviire ku muntu ekitali kirongoofu, nga tategeire, anaabangaku omusango amangu geene ng'ategeire ky'akoze.

Okubala 30:6

“Aye kisoboka omughala oyo yaaja okufumbirwa ng'ate akaali kutuukiriza kye yeeyama, k'abe nga yeeyama mu bugenderevu oba mu butali bugenderevu, oba kyaba nti afumbiirwa ng'akaali kutuukiriza kirayiro kye yalayira.

Okubala 30:8

Aye iba bw'anaamuloberanga ku lunaku lw'abiwuliire, olwo anaabanga ng'amenhiegho obweyamo mukazi we oyo bwe yakola, ka bube mu bugenderevu oba mu butali bugenderevu. Era anaabanga ng'amenhiegho n'ekirayiro mukazi we oyo kye yalayira. Era Musengwa Katonda aidha kusonighanga omukazi oyo.

Matayo 14:7

Herode yaamusuubiza nga n'okwefuugha yeefuugha, okumugha kyonakyona ky'aghanga okusaba.

Matayo 14:9

Kyabazinga yeidhusa, aye olw'okuba nga yali amaze okulayira mu maiso g'abo be yatyama nabo, yalagira bagumughe.

Mariko 6:23

N'okwefuugha yeefuugha ati: “Kyonakyona ky'onansaba ndidha kukikugha, waire kukwawuliraku ku bwakyabazinga bwange.”

Ebikolwa by'Abatume 23:12

Bwe bwakya enkyo, Abayudaaya beekobaana, beefuugha nga bakoba bati tibaja kulya waire okunhwa okutoolaku nga bamaze okwita Paulo.

Yoshua 2:14

Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Yoshua 9:15

Yoshua yaakola nabo endagaano, yaabalayirira obutabaita era n'abakulu ab'ebikunsu mu Isiraeli baakola batyo.

Abalamuzi 11:31

omuntu alisooka okufuluma mu miryango gy'endhu yange okwidha okunsangaaza nga ndhize n'obughanguzi, aliba wuwo. Ndimughaayo ng'ekigheebwayo ekyokebwa.”

Abalamuzi 21:18

Aye titusobola kubagha ku baghala baife kubafumbirwa, kuba twamala okulayira tuti, “Oyo yeenayeena aligha Omubenjamini mughala we okumufumbirwa, akolimirwe.”

Abalamuzi 21:7

Tunaakola tutya okufunira abasaadha Ababenjamini abasigairegho abakazi, ate nga twalayira ye Musengwa Katonda obutabagha baghala baife?”

Abalamuzi 9:19

Kale ni oba nga kye mukoze Gideoni n'ab'endhu ye, mu kikoze mu mwoyo mulungi na mu mazima, mbeeni musangaalire Abimeleki, era yeena abasangaalire.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”