Biblia Todo Logo
Bìoball air-loidhne

- Sanasan -




Abalevi 5:12 - Baibuli Ekibono kya Katonda 2014

12 Anaaleetanga obuwunga obwo eri kabona, kabona oyo yaayoolaku omuganda ng'akamanhiso akooleka nga bwonabwona bugheereibwayo eri Musengwa Katonda, era yaabwokera ku alutaari ng'ekigheebwayo ekyokebwa n'omuliro. Ekyo n'ekigheebwayo olw'ebibi.

Faic an caibideil Dèan lethbhreac




Abalevi 5:12
15 Iomraidhean Croise  

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.


Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.


Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.


Kabona anaayokyanga ekitundu eky'engaano, n'eky'omuzigo, ghalala n'obubbaani bwonabwona, nga n'akamanhiso akooleka nga byonabyona bigheereibwayo; ekyo n'ekigheebwayo eri Musengwa Katonda nga kyokebwa n'omuliro.


Ekigheebwayo ekyo anaakireetanga ye bakabona ab'oku lulyo lwa Aaroni. Owundi ku bakabona abo anaayoolangaku omuganda ku mere eyo eseereibwa obukalamu, yaagyokera ghalala n'omuzigo, n'obubbaani bwonabwona ako kabe nga n'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.


Kabona anaatoolanga ekitundu ku kigheebwayo ekyo, kibe akamanhiso akooleka nga byonabyona bigheereibwayo eri Musengwa Katonda. Era anaayokeranga ekitundu ekyo ku alutaari. Akawoowo ak'ekigheebwayo ekyo ekyokebwa, kasangaaza Musengwa Katonda.


Kabona anaabyokeranga byonabyona ku alutaari ng'ekigheebwayo eky'eby'okulya ekigheebwayo eri Musengwa Katonda ekyokebwa.


n'ensigo dhombi ghalala n'amasavu agadhiriku, n'ekitundu ekisinga obulungi ku ini.


Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu ntaama egheebwayo olw'okutabagana. Olwo kabona yaagookera ku alutaari ghalala n'eby'okulya ebigheebwayo eri Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.


Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.


Mu nsambo eyo kabona anaabanga aghaireyo omusengo olw'ekibi omuntu oyo ky'akoze, era omuntu oyo anaasoniyibwanga. Obuwunga obusigairegho bunaabanga bwa kabona, nga bwe kiba ku kigheebwayo eky'emere ey'empeke.


Anaayoolangaku omuganda ku buwunga obwo obuseereibwa obukalamu, n'omuzigo, n'obubbaani bwonabwona ebireeteirwaku, byonabyona yaabyokera ku alutaari, ng'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.


Era kabona aidha kuyoolanga omuganda mulala ng'ekiidhukizo ku kigheebwayo eky'emere ekyo, omuganda ogwo agwokere ku alutaari. Ng'amaze ekyo, aidha kukobanga omukazi oyo anhwe amaadhi ago.


Korunelio yaamulingirira era ng'atya, yaamukoba ati: “Musengwa, kiki?” Malaika yaamwiramu ati: “Katonda aidhukiire okusaba kwo n'okutona kwo.


Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.


Lean sinn:

Sanasan


Sanasan