Abalevi 4:6 - Baibuli Ekibono kya Katonda 2014

⁶ Anainhikanga olwala mu musaayi ogwo, yaagutoonhia emikuzi musanvu emberi gh'olutimbe olutukuvu.

Abalevi 4:6 Iomraidhean Croise

Okuvaayo 40:21

Olwo yaaleeta Esanduuku ey'Endagaano yaagita mu Weema entukuvu, era yaakola olutimbe yaalusiba ku mpango dhaalwo eina, agho yaaba ng'akingiriiza Esanduuku ey'Endagaano, nga Musengwa Katonda bweyamulagira.

Okuvaayo 40:26

Yaata alutaari eyakolebwa mu zaabu mu Weema Entukuvu emberi w'olutimbe olwawula Ekifo Ekitukuvu Einho ku Kifo Ekitukuvu.

Abalevi 14:16

yainhika olwala lwe olw'oku mukono omusaadha mu muzigo ogwo oguli mu ngalo dhe edh'oku mugooda, yaagumansira emikuzi musanvu agho mu maiso ga Musengwa Katonda.

Abalevi 14:18

Omuzigo ogunaabanga nga gusigaire mu ngalo dhe, anaagusiiganga ku mutwe gw'oyo aja okulangirirwa nga mulongoofu. Agho kabona oyo anaaghangayo omusengo olw'okutukuza omuntu oyo, mu maiso ga Musengwa Katonda.

Abalevi 14:27

yaagumansira n'olwala lwe olw'oku mukono omusaadha emikuzi musanvu agho mu maiso ga Musengwa Katonda.

Abalevi 14:7

“Aidha kumansiranga omusaayi ogwo emikuzi musanvu ku oyo aja okutukuzibwaku endwaire eyo ey'ebigenge, memale yaamulangirira ati mulongoofu. Era anaalekulanga enhonhi enamu eyo, yaaja ng'egulukira mu ibbanga.

Abalevi 16:14

Anaatoolanga ku musaayi gw'ente enume, yaagumansira n'olwala lwe ku luuyi olw'e buvandhuba olw'ekisandikiza eky'Esanduuku ey'Endagaano, era yaagumansira mu maiso g'esanduuku eyo emikuzi musanvu.

Abalevi 16:19

Yaagimansira omusaayi n'olwala lwe emikuzi musanvu, yaagirongoosa okugitoolaku obutali bulongoofu obw'Abaisiraeli, ng'agitukuza.

Abalevi 25:8

“Munaabalanga emyaka musanvu emikuzi musanvu, ng'egyo gyonagyona aghalala n'emyaka amakumi ana n'omwenda.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Abalevi 4:17

Anainhikanga olwala mu musaayi ogwo, yaagutoonhia emikuzi musanvu emberi gh'olutimbe olutukuvu.

Abalevi 4:25

Agho Kabona anainhikanga olwala lwe mu musaayi ogw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:30

Agho kabona anainhikanga olwala lwe mu musaayi gw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:34

Agho kabona anainhikanga olwala lwe mu musaayi gw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 8:11

Yaatoola ku muzigo, yaagumansira emikuzi musanvu ku alutaari ni ku bintu byonabyona ebikozesebwa ku alutaari, ni ku benseni ni ku kityamo kyayo, yaabitukuza okubyawula bibe ebya Musengwa Katonda.

Abalevi 8:15

Musa oyo yaagiita, era yaatoolaku omusaayi ogundi yaagusiigisa olwala lwe ku bintu ebiri ng'oti mayiga ga nsolo ebiri ku alutaari ku ndhuyi dhaayo dhoonadhoona okugyawulira Musengwa Katonda. Omusaayi ogwasigalagho gwonagwona, yaagufuka ku ntobo y'alutaari. Mu nsambo eyo yaagyawula ebe eya Musengwa Katonda era yaaghaayo omusengo olw'okugitukuza.

Abalevi 9:9

Batabane be baamuleetera omusaayi gw'ente eyo, yainhikamu olwala, yaagutoonhia ku bintu ebiri ng'oti mayiga ga nsolo ebiri ku alutaari ogwasigalagho yaagufuka ku ntobo y'alutaari eyo.

Okubala 19:4

Agho Eleazari kabona aidha kutoola ku musaayi gwayo n'engalo ye, agumansire emikuzi musanvu ng'agwolekeiza emberi w'Eweema ey'Okwagaananirangamu ni Musengwa Katonda.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Yoshua 6:8

Kale baakola nga Yoshua bwe yalagira ghaabaagho ekikunsu eky'abasaadha nga bagemye eby'okulwanisa ekyakulemberamu. Memale bakabona omusanvu, abaajanga nga bafuuwa endeka nga tibasirisaamu, bairirira. Okwo kwairaku bakabona abaabbeeda Sanduuku y'Endagaano. Olwo ekikunsu ekindi eky'abasaadha abaali nga bagemye eby'okulwanisa kyakoobera.