Abalevi 4:4 - Baibuli Ekibono kya Katonda 2014

⁴ Aidha kugireetanga ku mulyango gw'Eweema ey'Okwagaananirangamu ni Musengwa Katonda, era anaatanga omukono gwe ku mutwe gwayo, yaagiitira agho mu maiso ga Musengwa Katonda.

Abalevi 4:4 Iomraidhean Croise

2 Ebyomubyanda 29:23

Olwo baaleeta embuzi enume mu maiso ga kyabazinga n'ag'abantu abeesoloiza, ng'ekigheebwayo olw'ebibi, era abo baadhitaaku emikono gyaibwe.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 4:15

Era abakulu ab'ebikunsu banaatanga emikono gyaibwe ku mutwe gwayo, nga bali mu maiso ga Musengwa Katonda, era baagiitira agho.

Abalevi 4:29

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda, aghaitirwa ensolo edh'ebigheebwayo ebyokebwa.

Abalevi 8:14

Agho Musa yaaleeta ente egheebwayo olw'ebibi, Aaroni ni batabane be baata emikono gyaibwe ku mutwe gwayo.

Okubala 8:12

Agho Abalevi baidha kugema ku mitwe egy'ente enume dhombi, eyindi mugigheeyo ng'ekigheebwayo olw'ebibi ate eyindi mugigheeyo ng'ekigheebwayo ekyokebwa. Olwo Abalevi batoolebweku ebibi byaibwe.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.