Abalevi 4:3 - Baibuli Ekibono kya Katonda 2014

³ Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 4:3 Iomraidhean Croise

2 Ebyomubyanda 29:21

Baaleeta ente enume musanvu, n'entaama enume musanvu, n'entaama ento musanvu, n'embuzi enume musanvu. Ebyo nga n'ekigheebwayo olw'ebibi, ku lw'obwakyabazinga, ni ku lw'eisinzizo, ni ku lwa Buyudaaya. Era yaalagira bakabona baidhukulu b'Aaroni okubigheerayo ku alutaari.

Ezera 8:35

Mu kiseera ekyo, abo boonaboona abaira okuva mu bunhage, baaghaayo ebigheebwayo ebyokebwa eri Katonda wa Isiraeli. Baaghaayo ente enume ikumi na ibiri ku lwa Isiraeli yoonayoona, baaghaayo entaama enume kyenda na mukaaga, n'entaama ento nsanvu na musanvu. Era baaghaayo n'embuzi enume ikumi na ibiri, ng'ekigheebwayo olw'ebibi. Ebyo byonabyona baabighaayo eri Musengwa Katonda ng'ekigheebwayo ekyokebwa.

Okuvaayo 29:14

Aye emamba ey'ente eyo n'oluwu lwaku era n'obusa, oidha kubyokya omuliro mu kifo aghazira weema dha bantu, ng'ekigheebwayo ekyokebwa olw'ebibi.

Okuvaayo 29:21

Agho oidha kutoola ku musaayi ogunaaba ku alutaari, ni ku muzigo ogusiigibwa, byombi obimansire ku Aaroni ni ku bivaalo bye, ni ku batabane ni ku bivaalo byaibwe. Olwo onaaba otukwiza Aaroni n'ebivaalo bye, ni batabane n'ebivaalo byaibwe.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Ezekieli 40:39

Era mu kisenge ekyo mwalimu emeeza ibiri ibiri ku luuyi ni ku luuyi. Ku meeza edho kwe baitiranga ebigheebwayo ebyokebwa byonabyona okuwaagho, n'ebigheebwayo olw'ebibi, n'ebigheebwayo ng'omutango.

Ezekieli 43:19

bakabona Abalevi ab'oku nda ya Zadoki, nga ni bonka abaseeta ye ndi okumpeereza, olibagha ente enume ng'ekigheebwayo olw'ebibi. Nze Musengwa Katonda ninze nkobye.

Ezekieli 44:27

memale yaaghangayo ekigheebwayo olw'ebibi ekikye, ku lunaku lw'anaingirirangaku mu luya olw'omunda olw'eisinzizo okugheereza. Nze Musengwa Katonda ninze nkobye.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 16:11

“Aaroni bw'anaaghangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi,

Abalevi 16:3

Aye anaingiranga mu Kifo Ekitukuvu ng'ali n'ente enume entototo ey'ekigheebwayo olw'ebibi, n'entaama enume ey'ekigheebwayo ekyokebwa.

Abalevi 16:5

“Abantu Abaisiraeli banaaghanga Aaroni embuzi enume ibiri edh'ekigheebwayo olw'ebibi, n'entaama enume ndala ey'ekigheebwayo ekyokebwa.

Abalevi 16:6

Aaroni oyo aidha kughangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi.

Abalevi 4:14

ekibi ekyo olunaamanhikanga, boonaboona ghalala baidha kughangayo ente enume entototo ng'ekigheebwayo olw'ebibi, baagireeta emberi w'Eweema ey'Okwagaananirangamu ni Musengwa Katonda.

Abalevi 4:23

bw'anaamanhisibwanga ekibi kye, aidha kuleetanga ekigheebwayo kye nga kya mbuzi nume eziraku kikyamu kyonakyona.

Abalevi 4:28

bw'anaamanhisibwanga ekibi kye, aidha kuleetanga ekigheebwayo kye nga kya mbuzi nkazi eziraku kikyamu kyonakyona.

Abalevi 4:5

Agho Omukulu wa Bakabona oyo, aidha kutoolanga ku musaayi gw'ente eyo, agutwale mu Weema ey'Okwagaananirangamu ni Musengwa Katonda.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 8:12

Yaasiiga Aaroni omuzigo ku mutwe okumwawula.

Abalevi 9:2

yaakoba Aaroni ati: “Twala ente enume ento, n'entaama enume, dhombi nga dhiziraku kikyamu kyonakyona, oje odhigheeyo eri Musengwa Katonda ente eyo enume ebe ekigheebwayo olw'ebibi, n'entaama eyo enume ebe ekigheebwayo ekyokebwa.

Abalevi 9:3

Era okobe Abaisiraeli batwale embuzi enume, ebe ekigheebwayo olw'ebibi, n'ente ento ey'omwaka omulala, n'entaama ento ey'omwaka omulala, dhombi nga dhiziraku kikyamu kyonakyona, dhibe ekigheebwayo ekyokebwa,

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Okubala 8:8

Agho baidha kufunayo ente ento enume, n'ekigheebwayo ekijiiraku eky'emere ey'empeke eseereibwa obukalamu era etabwirwamu omuzigo. Era mufuneyo ente ento enume eyindi ey'ekigheebwayo olw'ebibi.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Abaheburayi 5:3

Era olw'obunafu obwo ateekwa okughaayo emisengo olw'ebibi bye, n'olw'ebibi eby'abantu abandi.

Abaheburayi 9:12

Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.