Abalevi 4:12 - Baibuli Ekibono kya Katonda 2014

¹² binaatwalibwanga kuliya kw'ekifo abantu kye baasimbamu weema dhaibwe, mu kifo ekirongoofu kye bafukamu eivu. Eyo ye banaabyokeranga n'omuliro ku nku.

Abalevi 4:12 Iomraidhean Croise

Okuvaayo 29:14

Aye emamba ey'ente eyo n'oluwu lwaku era n'obusa, oidha kubyokya omuliro mu kifo aghazira weema dha bantu, ng'ekigheebwayo ekyokebwa olw'ebibi.

Ezekieli 43:21

Era olitwala ente eyo enume ey'ekigheebwayo olw'ebibi, baagyokera mu kifo eky'eisinzizo ekyateebwagho okwokerwangamu, kuliya okw'eisinzizo.

Abalevi 13:46

Taabenga mulongoofu ekiseera kyonakyona ky'anaamalanga ng'akaali mulwaire. Taabenga ghalala na bantu batali balwaire.

Abalevi 16:27

Ente enume n'embuzi edh'ekigheebwayo olw'ebibi, dheene musaayi ogwingizibwa mu Kifo Ekitukuvu olw'okukola omukolo ogw'okutukuza, dhinaafulumizibwanga ku luya dhaatwalibwa mu kifo omutaba bantu, dhaayokebwa. Amawu, emamba n'ebyenda byadho, binaayokebwanga.

Abalevi 4:21

Agho ente eyo enaatwalibwanga kuliya kwa weema, Omukulu wa Bakabona yaagyokera eyo ng'oti ni bw'ayokya ere y'aba ng'aghaireyo olw'ekibi kye. Ekyo n'ekigheebwayo olw'ebibi eby'abantu boonaboona aghalala.

Abalevi 6:23

Ekigheebwayo eky'emere ey'empeke ekigheebwayo kabona, tikiiriibwengaku. Kinaayokebwanga kyonakyona.”

Abalevi 6:30

Aye omusaayi gwakyo bwe gunaaleetebwanga mu Weema ey'Okwagaananirangamu ni Musengwa Katonda, era ni gukozesebwa mu musengo ogugheebwayo olw'ebibi, olwo tikiiriibwengaku kinaayokebwanga bwokebwe.

Abalevi 6:4

Ole anaakolanga ekibi ku ebyo ebyogeirwaku, era abantu ni bamanha ng'ali n'omusango, anaizangagho ekintu ekyo kye yanhaga, oba ekyo kye yafuna mu kuguyaguya, oba ekyo Muisiraeli mwine kye yamulekera ng'omusingo n'aloba okukimwiriza, oba ekyo ekyabula n'akyeiriza ng'akiboine,

Abalevi 8:17

Ebyasigalagho byonabyona ku nte eyo: oluwu, emamba, n'obusa, yaabyokya omuliro mu kifo aghazira weema dha bantu, nga Musengwa Katonda bweyamulagira.

Abalevi 9:11

Aye emamba n'oluwu, yaabyokera kuliya kw'ekifo abantu kye baasimbamu weema dhaibwe.

Okubala 15:35

Agho Musengwa Katonda yaakoba Musa ati: “Omuntu oyo ateekwa kwitibwa. Abantu boonaboona baidha kumukuba amabaale afe, nga bamutoire mu kifo ghe baasimba weema dhaibwe.”

Okubala 19:3

Ente eyo mwidha kugigha Eleazari kabona, etoolebwe mu kifo abantu ghe baasimba weema dhaibwe, eje eitirwe eyo embali nga Eleazari abona.

Okubala 19:5

Olwo ente eyo eidha kwokebwa yoonayoona nga Eleazari abona ng'omwo mw'otwaliire oluwu lwayo, emamba yaayo, omusaayi gwayo, n'obusa bwayo.

Okubala 5:3

Mubingengagho abasaadha n'abakazi boonaboona abatali balongoofu, balobe kwonoona kifo ghe mwasimba weema dhaimwe, ghe mba n'imwe abantu bange.”

Abaheburayi 13:11

Olw'ekyo Omukulu wa Bakabona atwala omusaayi gw'ensolo mu Kifo Ekitukuvu Einho, yaagughaayo olw'ebibi, aye emamba yaadho yaayokebwa luuyi etaba bantu.