Abalevi 3:9 - Baibuli Ekibono kya Katonda 2014

⁹ Era omuntu oyo anaaghangayo eri Musengwa Katonda ebitundu bino eby'ensolo eyo ng'ekigheebwayo ekyokebwa: amasavu, omukira omusavu omulamba okusalira ku igumba ery'omugongo, amasavu goonagoona agali ku byenda,

Abalevi 3:9 Iomraidhean Croise

2 Samueli 6:17

Baaleeta Esanduuku ya Musengwa Katonda baagita mu kifo kyayo, mu Weema Daudi ye yagisimbiragho. Daudi yaaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

1 Bakyabazinga 8:63

Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

1 Ebyomubyanda 16:1

Baaleeta Esanduuku ya Katonda baagita mu kifo kyayo, mu Weema Daudi ye yagisimbiragho. Olwo baaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

Okuvaayo 29:22

“Entaama eyo, n'ekozesebwa mukwawula n'okugemya Aaroni ni batabane be omulimo ogw'obwakabona. Kale oidha kusoloza amasavu gaayo goonagoona, nga n'omuli: amasavu ag'omukira, n'agali ku byenda, n'ekitundu ekisinga bulungi ku ini, n'ensigo dhombi ghalala n'amasavu agadhiriku, n'ekisambi eky'oku mukono omusaadha.

Ensambo 23:26

Mwana wange, tanga omwoyo ku bye nkukoba, era otwale obulamu bwange ng'eky'okuboneraku.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Abalevi 17:5

Ekinuyirirwa mu iteeka lino, n'Abaisiraeli okuleetanga eri Musengwa Katonda ensolo dhaibwe dhe babaire baitiranga mu nsiko eyo, badhireetenga eri kabona, badhiite, dhibe emisengo egigheebwayo eri Musengwa Katonda olw'okutabagana.

Abalevi 7:3

Amasavu gaayo goonagoona ganaagheerwangayo ku alutaari, n'omukira omusavu, n'amasavu goonagoona agali ku byenda,

Abalevi 8:25

Yaatoola amasavu, omukira omusavu, amasavu goonagoona ag'oku byenda, ekitundu ekisinga obulungi ku ini, ensigo dhombi ghalala n'amasavu agadhiriku, n'ekisambi eky'oku mukono omusaadha.

Abalevi 9:19

Aaroni yaatoola amasavu goonagoona, n'ensigo, n'ebitundu ebisinga obulungi eby'ente eyo n'entaama eyo,

Okubala 7:88

Era baaghaayo ente endaagho abiri na ina, entaama enume enkulu nkaaga, embuzi enume nkaaga, entaama ento enume nkaaga edh'omwaka omulala omulala. Ebyo n'ebigheebwayo, abakulembeze bye baaghaayo nga bali kughaayo alutaari ebe ya Musengwa Katonda, ng'emaze okufukibwaku omuzigo.

1 Samueli 10:8

Oidha kuja e Giligali oneesookengayo. Eyo ye ndidha okukwagaana, mpeeyo ebigheebwayo ebyokebwa n'emisengo egigheebwayo olw'okutabagana. Oidha kunteegera eyo okumala enaku musanvu, memale ndidhe nkulage eky'okukola.”