Abalevi 3:5 - Baibuli Ekibono kya Katonda 2014

⁵ Bakabona ab'oku lulyo lwa Aaroni banaayokeranga ebyo byonabyona ku alutaari, ghalala n'ekigheebwayo ekyokebwa ekiromba ekiri ku nku ku muliro. Akawoowo kaabyo kasangaaza Musengwa Katonda.

Abalevi 3:5 Iomraidhean Croise

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

2 Ebyomubyanda 35:14

Bwe baamala okukola ekyo, Abalevi abo beetegekera beene era baategekera ni bakabona ab'oku lulyo lwa Aaroni, kuba bakabona abo tibaafuna kiseera naire nga bali kughaayo ebigheebwayo ebyokebwa byonabyona okuwaagho, n'okughaayo amasavu, okutuusa obwire okuziba. Kale abalevi kye baava beetegekera beene, era ni bategekera ni bakabona ab'oku lulyo lwa Aaroni.

Okuvaayo 29:13

Amasavu goonagoona agali ku byenda, n'ekitundu ekisinga obulungi ku ini, n'ensigo dhombi ghalala n'amasavu agadhiriku, oidha kubyokera ku alutaari ng'ekigheebwayo ye ndi.

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Ezekieli 44:7

Boonoona eisinzizo lyange eitukuvu nga baganha abagwira abatali bakekete okulingiramu. Abantu abo abatajiira ku mateeka gange naire, baja baingira mu isinzizo nga n'abantu bange bali kughaayo ye ndi amasavu n'omusaayi, ebiva mu misengo gye bampeereza. Olwo abantu bange abo baamenha endagaano yange olw'ebyenhinhalwa ebyo byonabyona abantu abo bye bakola.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:17

Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 3:11

Kabona anaabyokeranga byonabyona ku alutaari ng'ekigheebwayo eky'eby'okulya ekigheebwayo eri Musengwa Katonda ekyokebwa.

Abalevi 3:4

n'ensigo dhombi ghalala n'amasavu agadhiriku, n'ekitundu ekisinga obulungi ku ini.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:35

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu ntaama egheebwayo olw'okutabagana. Olwo kabona yaagookera ku alutaari ghalala n'eby'okulya ebigheebwayo eri Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 6:12

Omuliro oguli ku alutaari gunaakuumibwanga nga guli kwaka, aghazira kuzikira naire. Buli nkyo kabona anaagutangaku enku yaayaliiraku ekigheebwayo ekyokebwa, era anaagwokerangaku amasavu ag'ekigheebwayo olw'okutabagana.

Abalevi 7:28

Musengwa Katonda yaalagira Musa

Abalevi 9:17

Yaaleeta ekigheebwayo eky'emere ey'empeke, yaayoolaku omuganda gw'obuwunga, yaabwokera ku alutaari ng'ayongereza ku kigheebwayo ekyokebwa ekya buli lunaku.

Okubala 15:8

Ole bw'ategekanga okughaayo ye nze Musengwa Katonda ente endaagho ng'ekigheebwayo ekyokebwa, oba ng'omusengo ogw'okutuukiriza obweyamo, oba ng'ekigheebwayo olw'okutabagana,

Okubala 18:17

Aye ente n'entaama n'embuzi edhinaazaalibwanga mu luzaalo olusooka, tibaadhinunulenga. Edho dhange ku bwange, kale ntukuvu. Oidha kudhiitanga, omansirenga omusaayi gwadho ku alutaari, era oyokyenga amasavu gaadho ng'ekigheebwayo ekyokebwa. Akawoowo kaadho kansangaaza nze Musengwa Katonda.

Okubala 28:12

Ku buli nte mwidha kugheerangaku ekigheebwayo eky'emere ey'empeke, nga kya kilo isatu edh'obuwunga obuseereibwa obukalamu, obutabwirwamu omuzigo. Ate ku ntaama enume enkulu, mugheerengaku ekigheebwayo eky'emere ey'empeke, nga kya kilo ibiri edh'obuwunga obuseereibwa obukalamu, obutabwirwamu omuzigo.

Okubala 28:3

Era bakobe oti, kino n'ekigheebwayo ekyokebwa kye munaaghangayo ye Musengwa: entaama enume ibiri edh'omwaka omulala omulala edhiziraku kikyamu kyonakyona dhibenga ekigheebwayo ekya buli lunaku.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.