Abalevi 3:16 - Baibuli Ekibono kya Katonda 2014

¹⁶ Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Abalevi 3:16 Iomraidhean Croise

Amainhama 4:4

Abeli yeena yaaleeta ku ntaama dhe edhaazaalibwa mu nzaalo edhisooka, yaadhiita, yaghaayo amasavu gaadho. Musengwa Katonda yaasiima Abeli n'ekigheebwayo kye.

2 Ebyomubyanda 29:35

Okwongereza ku bigheebwayo ebyayokebwa byonabyona okuwaagho, ghaaligho n'amasavu ag'ebigheebwayo olw'okutabagana, n'ebigheebwayo ebifukibwa, ebyagheerwayo aghalala n'ebigheebwayo ebyayokebwa ebyo. Kale okusinza okw'omu isinzizo kwaizibwagho kutyo.

2 Ebyomubyanda 7:7

Kyabazinga Solomoni yaatukuza oluya olwa ghagati olwali emberi gh'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo ye yakola, yali ntono inho ng'ebigheebwayo ebyo byonabyona tibisobola kusugaku.

Okuvaayo 29:13

Amasavu goonagoona agali ku byenda, n'ekitundu ekisinga obulungi ku ini, n'ensigo dhombi ghalala n'amasavu agadhiriku, oidha kubyokera ku alutaari ng'ekigheebwayo ye ndi.

Okuvaayo 29:22

“Entaama eyo, n'ekozesebwa mukwawula n'okugemya Aaroni ni batabane be omulimo ogw'obwakabona. Kale oidha kusoloza amasavu gaayo goonagoona, nga n'omuli: amasavu ag'omukira, n'agali ku byenda, n'ekitundu ekisinga bulungi ku ini, n'ensigo dhombi ghalala n'amasavu agadhiriku, n'ekisambi eky'oku mukono omusaadha.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Abalevi 17:6

Agho kabona aidha kumansiranga omusaayi ku alutaari ya Musengwa Katonda, ku mulyango gw'Eweema ey'Okwagaananirangamu ni Musengwa Katonda, era yaayokya amasavu, gaavaamu akawoowo akasangaaza Musengwa Katonda.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 8:25

Yaatoola amasavu, omukira omusavu, amasavu goonagoona ag'oku byenda, ekitundu ekisinga obulungi ku ini, ensigo dhombi ghalala n'amasavu agadhiriku, n'ekisambi eky'oku mukono omusaadha.

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Matayo 22:37

Yesu yaamukoba ati: “ ‘Ogonzanga Musengwa Katonda wo n'omutima gwo gwonagwona, n'omwoyo gwo gwonagwona, n'okutegeera kwo kwonakwona.’