Abalevi 3:1 - Baibuli Ekibono kya Katonda 2014

¹ “Omuntu bw'anaaghangayo ekigheebwayo olw'okutabagana, aidha kughangayo ente enkazi oba enume ng'eziraku kikyamu kyonakyona.

Abalevi 3:1 Iomraidhean Croise

1 Ebyomubyanda 21:26

Era yaazimbira agho Musengwa Katonda alutaari yaaghaayo ebigheebwayo ebyokebwa n'ebigheebwayo olw'okutabagana. Yaasaba Musengwa Katonda, era Musengwa Katonda oyo yaamwiramu ng'asindika omuliro ku alutaari nga guva mu igulu.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Okuvaayo 24:5

Yaatuma abaisuka Abaisiraeli baaja baaghaayo ye Musengwa Katonda ebigheebwayo ebyokebwa n'emisengo egy'okutabagana, nga baghaayo ente.

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Ensambo 7:14

“Olwaleero mpaireyo ekigheebwayo olw'okutabagana, era naasasula kye neeyama. Kale ndi n'emamba kamaala eka.

Ezekieli 43:27

Bwe balimala okukola batyo mu nnaku omusanvu edho, olwo okuviira irala ku lunaku olwomunaana n'okweyongerayo, bakabona baligheerangayo ku alutaari eyo ebigheebwayo byaimwe ebyokebwa, n'ebigheebwayo olw'okutabagana. Era nze ndibasiimanga imwe abantu bange. Nze Musengwa Katonda ninze nkobye.”

Ezekieli 45:15

Ku ntaama edhiri mu byayiro mu nsi Isiraeli, mwidha kughangayo entaama ndala ndala ku buli ntaama ebikumi ebibiri (200). Ebyo n'ebinaabanga ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, abantu basoniyibwe ebibi byaibwe. Nze Musengwa Katonda ninze nkobye.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 17:5

Ekinuyirirwa mu iteeka lino, n'Abaisiraeli okuleetanga eri Musengwa Katonda ensolo dhaibwe dhe babaire baitiranga mu nsiko eyo, badhireetenga eri kabona, badhiite, dhibe emisengo egigheebwayo eri Musengwa Katonda olw'okutabagana.

Abalevi 3:6

“Omuntu bw'anaaghangayo entaama oba embuzi ng'ekigheebwayo olw'okutabagana, aghengayo enkazi oba enume ng'eziraku kikyamu kyonakyona.

Abalevi 9:18

Era yaita ente enume n'entaama enume ku lw'abantu, ng'omusengo ogugheebwayo olw'okutabagana. Batabane be baamuleetera omusaayi, yaagumansira ku ndhuyi dhoonadhoona edh'alutaari.

Abalevi 9:4

n'ente era n'entaama, nga dhombi nume, dhibe ekigheebwayo olw'okutabagana. Bino bali n'okubighaayo ng'omusengo mu maiso ga Musengwa Katonda, aghalala n'ekigheebwayo eky'emere ey'empeke ekitabwirwamu omuzigo. Bali n'okukola batyo, kuba Musengwa Katonda aidha kubabonekera olwaleero.”

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Malaki 1:8

Mulowooza muti bwe mutoola ensolo entulu, oba enema, oba endwaire, ni mudhighaayo ng'emisengo, ekyo tikiba kibi? Kale lwaki ensolo ng'oti n'edho timudhitoneraku bafuzi baimwe? Obwo bwenebwene abafuzi abo banaabasangaalira era baabasiima?”

Okubala 15:8

Ole bw'ategekanga okughaayo ye nze Musengwa Katonda ente endaagho ng'ekigheebwayo ekyokebwa, oba ng'omusengo ogw'okutuukiriza obweyamo, oba ng'ekigheebwayo olw'okutabagana,

Okubala 6:14

Aidha kughangayo ye Musengwa Katonda ensolo isatu edhiziraku kikyamu kyonakyona, dhino: entaama ento enume ey'omwaka omulala ebe ekigheebwayo ekyokebwa; n'entaama ento enduusi ebe ekigheebwayo olw'ebibi; era n'entaama enume ebe ekigheebwayo olw'okutabagana.

Okubala 7:17

Era ekigheebwayo kye kyalimu ni bino: Ente endaagho ibiri, entaama enume itaanu, embuzi enume itaanu n'entaama ento enume itaanu edh'omwaka omulala omulala; ebyo nga n'eby'ekigheebwayo olw'okutabagana. Ebyo Nahashoni mutabane wa Amminadabu bye yaghaayo.

Okubala 7:59

Era kyabaamu bino: Ente endaagho ibiri, entaama enume itaanu, embuzi enume itaanu n'entaama ento enume itaanu edh'omwaka omulala omulala. Ebyo nga n'eby'ekigheebwayo olw'okutabagana. Ebyo Gamalieli mutabane wa Pedahazuri bye yaghaayo.

Amateeka Agokubiri 12:27

Mwidha kughangayo ku alutaari ya Musengwa Katonda ebigheebwayo ebyokebwa byonabyona ni biwaagho. Era mughengayo n'ebigheebwayo olw'okutabagana, ng'omusaayi gwabyo guyuyibwa ku alutaari ya Musengwa Katonda, aye emamba mwagirya.

Ab'e Kolosai 1:20

era abite mu oyo okwiza ebintu byonabyona y'ali ka bibe ebiri mu igulu oba ebiri ku nsi. Katonda atyo bwe yaleeta emiraala ng'abita mu kufa kw'Omwana we ku musalaba.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

Abalamuzi 21:4

Ku lunaku olwairaku ku nkyo, abantu baazimba alutaari, baaghaayo ebigheebwayo ebyokebwa n'ebigheebwayo olw'okutabagana.