Abalevi 26:5 - Baibuli Ekibono kya Katonda 2014

⁵ Ebirime byaimwe binaabalanga inho, mwakuba engaano okutuukiza irala ni mu biseera eby'okunoga emizabbibu, era mwanoga emizabbibu okutuukiza irala ni mu biseera eby'okusigiramu engaano. Munaalyanga emere mwaiguta, era munaabanga n'emiraala mu nsi yaimwe.

Abalevi 26:5 Iomraidhean Croise

Zabbuli 144:13

Ebyagi byaife bigwananga byaidhula emere eya buli nsambo, n'entaama dhaife dhaazaalagana mitwalo na mitwalo,

Zabbuli 90:1

Wo Musengwa Katonda, okuva eira n'eira niiwe otukuuma.

Okuvaayo 16:8

Era Musa yaabakoba ati: “Ogw'eigulo Musengwa Katonda aidha kubagha emamba ey'okulya, era enkyo abaghe emere mulye mwigute, kuba Musengwa Katonda oyo awuliire bye mumwemuluguunhiamu. Bwe mwemuluguunhia muba timuli kukoba ife, aye muba muli kukoba Musengwa Katonda, kuba katyo ife niife baani?”

Ensambo 1:33

Aye oyo awulira bye nkoba aidha kubanga mu miraala, era atyamenga atereere ng'aziramu kutya naire.”

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 1:19

Bwe munaabanga abagonvu era abawulize, mwidha kulyanga ku bibala ebirungi ebiva mu nsi yaimwe.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Hosea 2:20

Ndiba mwesigwa y'oli, era olwo olimanha nga ninze Musengwa Katonda.

Yoeli 2:19

Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Yoeli 2:22

Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Yoeli 2:26

Mwidha kubanga n'eby'okulya kamaala ebinaabaigusanga, ni musaaka eriina lyange nze Musengwa Katonda waimwe, eyabakolera ebyewuunhisa. Abantu bange tibaliirayo kabiri kuswazibwa.

Amosi 9:13

Musengwa Katonda era akoba ati: “Bona eno, enaku dhiidha kutuuka, engaano ekule mangu okutuuka ku kukungulwa, nga n'abasizi bakaali kumala kusiga. Era emizabbibu giryenga mu bungi gyatuuka ni mu biseera eby'okusiga. Omwenge ogw'emizabbibu ogudhuudhuula guli kuuluula okuva ku nsozi ni mu busozi.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Ebikolwa by'Abatume 14:17

Ate nga Katonda tiyeegisa, yeeyoleka mu ebyo ebikalamu by'akola: Abagha amaadhi, okuva mu igulu, abaza ebibala mu biseera byabyo, abagha emere era aidhuza emyoyo gyaimwe okusagamba.”

Amateeka Agokubiri 11:15

Aidha kubaghanga eisubi ery'ensolo dhaimwe mu byayiro byaimwe. N'imwe beene mwidhanga kufuna emere yoonayoona ye mwetaaga.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.