Abalevi 26:4 - Baibuli Ekibono kya Katonda 2014

⁴ nnaabaghanga amaadhi mu biseera byago, ensi yaabaza ebirime, n'emiti gyabala ebibala.

Abalevi 26:4 Iomraidhean Croise

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Yobu 5:10

Agwisa amaadhi ku nsi, yaafukirira enimiro.

Zabbuli 104:13

Ng'oli eyo ghaigulu y'oba, ofukirira ensozi amaadhi, ensi yeesiima n'ebibala ebiva mu ngalo dho.

Zabbuli 67:6

Ebirime bibaze inho ku nsi. Katonda, oyo Katonda waife, atughaire enkabi.

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Zabbuli 68:9

Iwe wagwisa amaadhi kamaala, waiza buyaaka eitaka lyo eryali lyoneike.

Zabbuli 85:12

Bwenebwene Musengwa Katonda aidha kutugha ebirungi, ensi yaife ebale ebibala kyodo.

Zabbuli 85:13

Obutuufu bwa Musengwa Katonda bumukulemberamu, bwaja nga bukubira ebigere bye engira.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Ezekieli 36:30

Ndireetera emiti egy'ebibala n'enimiro edh'emere okwama einho, endhala erobe kabiri kwirayo kubaluma na kubaswaza mu maghanga gandi.

Yoeli 2:22

Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Abalevi 25:19

Era ensi enaabazanga ebibala byayo, mwafuna bye mulya mwaiguta, mwaba n'emiraala.

Abalevi 25:21

Nze Musengwa Katonda ndibagha enkabi mu mwaka ogwomukaaga, ensi yaabaza emere enaabamazangaku emyaka ebiri.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Ebikolwa by'Abatume 14:17

Ate nga Katonda tiyeegisa, yeeyoleka mu ebyo ebikalamu by'akola: Abagha amaadhi, okuva mu igulu, abaza ebibala mu biseera byabyo, abagha emere era aidhuza emyoyo gyaimwe okusagamba.”

Amateeka Agokubiri 11:13

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 11:14

Olwo aidha kugwisanga amaadhi mu nsi yaimwe mu biseera byago eby'omusambya n'eby'omutoigo. Olwo musobolenga okukungula engaano, n'okufuna omwenge ogw'emizabbibu n'omuzigo ogw'ebibala eby'emiti emyoliva.

Amateeka Agokubiri 28:12

Musengwa Katonda aidha kubaigulirangagho eiterekero lye ery'ebirungi, eigulu ligwisenga amaadhi mu nsi yaimwe mu biseera byago. Era aidha kubaghanga enkabi mu byonabyona bye munaakolanga, musobole okuwolanga amaghanga kamaala, aye nga imwe timugeewolwaku.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.