Abalevi 24:3 - Baibuli Ekibono kya Katonda 2014

³ Buli igulo, Aaroni aidha kugikunaanianga, agireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi ow'Esanduuku ey'Endagaano, mu Kifo Ekitukuvu einho agho mu Weema ey'Okwagaananirangamu ni Musengwa Katonda. Eiteeka eryo liidha kukuumibwanga ebyanda n'ebyanda.

Abalevi 24:3 Iomraidhean Croise

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Abalevi 24:2

“Koba Abaisiraeli bakuleetere omuzigo omukenenule ogukamwirwa mu bibala eby'emiti emyoliva ebisekwirwa, ogw'okuta mu ntaala enaayakanga obutazikira.

Abalevi 24:4

Aaroni anaalabiriranga buliidho entaala edhiri ku kikondo ekya zaabu omukenenule, mu maiso ga Musengwa Katonda.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Okubala 18:5

Era niimwe abanaalabiriranga Ekifo Ekitukuvu ni alutaari, memale olwo ndobe kwirayo kusungughalira Baisiraeli.

1 Samueli 3:3

Eitaala lya Katonda lyali likaali kuzikira era nga Samueli alambaire mu isinzizo lya Musengwa Katonda omwali Esanduuku ya Katonda.