Abalevi 23:3 - Baibuli Ekibono kya Katonda 2014

³ “Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Abalevi 23:3 Iomraidhean Croise

Okuvaayo 16:23

Musa yaabakoba ati: “Musengwa Katonda yalagira olwenkyo lube olunaku olw'okuwuumulira irala eyo ni Sabbato ya Musengwa Katonda entukuvu. Kale mannu yoonayoona mugifumbe lwaleero, nga mugigoya oba nga mugitogosa. Etaaliibwe lwaleero mugitereke, mugirye olwaidho.”

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Okuvaayo 16:30

Kale ku lunaku olwomusanvu baaloba kukola mulimo gwonagwona.

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Okuvaayo 34:21

“Oli n'enaku mukaaga edh'okukoleraku emirimo gyo gyonagyona. Aye ku lunaku olwomusanvu otakolanga mulimo gwonagwona ka bibe biseera bya kulima oba bya kukungula.

Isaia 56:2

Ndigha enkabi abo abakuuma Sabbato buliidho ni batagyonoona, era naagha enkabi abo abeekuuma ni batakola bibi.”

Isaia 56:6

Ate eri abagwira abaasenga mu bantu ba Musengwa Katonda, ni bagheereza Musengwa Katonda oyo nga bamugonza, ni beekalangula ku ndagaano ye, era ni bakuuma Sabbato dhe ni batadhoonoona, Musengwa Katonda abakoba ati:

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Luka 13:14

Olw'okuba Yesu yamuwonia ku Sabbato, omukulu wa sinagoga, yaasungughala era yakoba ekikunsu eky'abantu ati: “Ghaligho enaku mukaaga emirimo kwe giteekwa okukolerwa, mwidhenga ku nnaku edho muwonezebwe, aye ti ku lwa Sabbato.”

Luka 23:56

baira baategeka obuwoowo n'omuzigo. Ku lwa Sabbato baawuumula, ng'ebiragiro bwe bikoba.

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”

Okwolekebwa 1:10

Ku lunaku lwa Musengwa, Mwoyo yandidhaku, naawulira e mugongo wange amamiro ag'amaani nga gali ng'oti ndeka.