Abalevi 21:1 - Baibuli Ekibono kya Katonda 2014

¹ Musengwa yaalagira Musa ati: “Kobera bakabona batabane ba Aaroni oti ghatabangagho waire omulala ati ku beene aneereeteranga okuba atali mulongoofu nga yeeyimba mu mikolo egibaagho mu kufiirwa ab'enganda dhe,

Abalevi 21:1 Iomraidhean Croise

Ezekieli 44:25

“Kabona taidhanga kuseeta ku muntu afiire, olwo alobe kwereeteranga okuba atali mulongoofu. Okutoolaku ng'omuntu oyo abaire ise, oba inhina, oba omwana we, oba muganda we, oba mwanhina atali mufumbo.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Abalevi 19:28

Muteesalasalanga ku mibiri gyaimwe ng'akamanhiso ak'okulira abafu, oba okwetonaku endhola olw'okwewoomya. Ninze Musengwa Katonda.

Abalevi 21:11

Tiyeereeterenga kuba atali mulongoofu oba okwonoona Ekifo kyange Ekitukuvu, ng'akivaamu okuseeta aghali omulambo, ni bwe guba ogwa ise oba ogwa inhina, kuba yayawulirwa nze Katonda we ng'asiigibwa omuzigo omutukuvu.

Malaki 2:1

Musengwa Katonda Afuga Amagye akoba ati: “Imwe bakabona, kino ekiragiro kyaimwe:

Malaki 2:4

Agho mulimanha nga nze Musengwa Katonda Afuga Amagye ninze mbaghaire ekiragiro ekyo. Olwo endagaano yange ye nakola ni bakabona, baidhukulu ba Levi, erobe kumenhebwa.

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 19:14

“Lino n'eiteeka erigema ku muntu afiira mu weema: Omuntu yeenayeena aidha mu weema eyo, aidha kubanga nga tiimulongoofu okumala enaku musanvu. N'oyo aba ng'agirimu mu kiseera ekyo omuntu oyo ky'afiiriiremu, yeena aidha kubanga nga tiimulongoofu okumala enaku omusanvu.

Okubala 19:16

Omuntu yeenayeena bw'anaabanga ng'ali eyo kuliya, n'agema ku muntu ye baise obwite, oba ku muntu afiire mwene, oba ku igumba ery'omuntu, oba ku magombe, aidha kubanga nga tiimulongoofu okumala enaku musanvu.

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Okubala 6:6

Ekiseera kyonakyona ky'anaamalanga nga yeeghaireyo okuba owa Musengwa Katonda, taaseetenga gha mulambo,