Abalevi 20:3 - Baibuli Ekibono kya Katonda 2014

³ Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 20:3 Iomraidhean Croise

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Ezekieli 5:11

“Agho ni, nze Musengwa Katonda ndayira nti nga bwendi omulamu, bino bye nkoba ku imwe ab'omu Yerusalemu: mwayonoona eisinzizo lyange nga mulikoleramu ebibi byaimwe byonabyona ebyenhinhalwa. Kale ndibatirimbula, naaloba kusaasiraku naire omulala ati oba okumugemerwa ekivunika.

Abalevi 15:31

Musengwa Katonda yaakoba Musa ni Aaroni ati: “Kale ni mutyo bwe munaalabulanga Abaisiraeli ku butali bulongoofu bwaibwe, balobe kufa olw'okwonoona Eweema yange ebalimu ghagati.”

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 19:12

Mutalayiriranga bwereere liina lyange eitukuvu ni mulyonoona. Ninze Musengwa Katonda waimwe.

Abalevi 20:4

Aye abantu bwebataafengayo ku ky'akoze ni batamwita,

Abalevi 21:6

Babenga batukuvu eri Nze Katonda waibwe, era balobenga kwonoona liina lyange, kuba bagheereza eri Nze Musengwa Katonda waibwe ebigheebwayo eby'okulya ebyokebwa. Kyebanaavanga ni baba abatukuvu.

Abalevi 7:20

Aye omuntu anaagiryangaku nga tiimulongoofu, anaabanga takaabalirwa mu bantu ba Musengwa Katonda.

Abalevi 7:21

Era omuntu bw'anaagemanga ku kintu ekitali kirongoofu ekiva ku muntu oba ku nsolo, oba ekintu ekindi ekyenhinhalwa, memale n'alya ku mamba y'omusengo ogugheebwayo eri Musengwa Katonda olw'okutabagana, omuntu oyo anaabanga takaabalirwa mu bantu ba Musengwa Katonda.”

Okubala 19:13

Omuntu yeenayeena agema ku muntu afiire, aye n'ateetukuza, ayonoona Weema ya Musengwa Katonda. Era omuntu oyo aidha kulekeranga okubalibwa mu Baisiraeli; kuba aba tamansiirwaku maadhi ga kumutukuza. Aidha kubanga nga tiimulongoofu, era asigalenga n'obutali bulongoofu bwe.

Okubala 19:20

“Aye omuntu atali mulongoofu bw'anaalobanga okutukuzibwa, anaabanga nga takaabalirwa mu bantu ba Musengwa Katonda, kuba anaabanga ng'ayonoine ekifo kya Musengwa Katonda ekitukuvu. Era aidha kusigalanga nga tiimulongoofu, kuba amaadhi agakozesebwa okutoolagho ebibi ganaabanga nga tigamumansiirwaku.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

1 Petero 3:12

kuba amaiso ga Musengwa tigava ku batuufu, era talekera kuwulirisa kusaba kwaibwe. Aye abo abakola obubi abakambughalira.”