Abalevi 2:4 - Baibuli Ekibono kya Katonda 2014

⁴ “Ekigheebwayo ekinaaleetebwanga bwe kinaabanga eky'emigaati egifumbiibwa nga giziikiibwa mu ziiko, giidha kubanga nga giteekwa okuba emigaati eminene egitazimbulukusiibwa, egy'obuwunga obuseereibwa obukalamu, obutabwirwamu omuzigo, oba emigaati emitono egitazimbulukusiibwa, egisiigiibwaku omuzigo.

Abalevi 2:4 Iomraidhean Croise

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Okuvaayo 12:8

Obwire obwo emamba eri n'okwokebwa ku muliro, eriibwe n'emigaati egitazimbulukusiibwa era n'eiva erikaagha.

Okuvaayo 16:31

Abaisiraeli baayeta emere eyo mannu, ng'eri ng'oti kamuuma akatono ate nga keeru, era ng'ewooma ng'oti n'emigaati emitono gye bafumbiramu omudheenene.

Okuvaayo 29:2

Ofuneyo emigaati egitazimbulukusiibwa, nga gya bika bisatu bino: eminene egitabwirwamu omuzigo, n'egindi egiziramu muzigo, n'emitono egisiigiibwaku omuzigo. Era nga mugifumbye mu buwunga obuseereibwa obukalamu.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Ezekieli 46:20

Omusaadha yankoba ati: “Kino n'ekifo bakabona mwe banaafumbiranga emamba ey'ebigheebwayo olw'ebibi, n'ey'ebigheebwayo ng'omutango. Era mwe banaakalangiranga n'ebigheebwayo eby'emere ey'empeke. Olwo balobenga kubifulumya mu luya olw'okuliya, kuba obutukuvu bwabyo busobola okukola akabi ku bantu.”

Abalevi 1:11

Anaagiitiranga ku luuyi lw'alutaari olw'omukono omugooda olw'e buvandhuba. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 6:17

Tikiifumbirwengamu kizimbulukusa. Nze Musengwa Katonda mwene nkighaire bakabona, kibe omugabo gwaibwe ku byange ebigheebwayo nga byokebwa omuliro. Kitukuvu inho ng'oti n'ekigheebwayo olw'ebibi, era ng'oti n'ekigheebwayo ng'omutango.

Abalevi 7:12

Omuntu bw'anaaghangayo ekigheebwayo ekyo olw'okwebaza Katonda, anaagheerangaku emigaati eminene egitazimbulukusiibwa egitabwirwamu omuzigo, oba emigaati emitono egitazimbulukusiibwa egisiigiibwaku omuzigo, oba emigaati egikoleibwa mu buwunga obuseereibwa obukalamu, obutabwirwamu omuzigo.

Okubala 6:15

Era aidha kughangayo ekiibo eky'emigaati egitazimbulukusiibwa, n'egindi egikoleibwa mu buwunga obuseereibwa obukalamu nga gitabwirwamu omuzigo, n'emitono egisiigiibwaku omuzigo, n'ebigheebwayo ebijiiraku bino: eky'emere ey'empeke n'eky'ebyokunhwa.

Matayo 26:38

Agho yaabakoba ati: “Ndi n'enaku ku mwoyo eyenda kundhita. Imwe musigale ghano mumoge ghalala ninze.”

Yoanne 12:27

“Omwoyo gwange mweraliikirivu. Aye ate nkobe ntya? Nkobe nti: Lata mponia ekiseera kino? Aye ekyandeeta n'ekiseera kino okuntuukaku.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.

1 Petero 2:22

Mpaagho kibi kye yakola, waire ekibono kyonakyona eky'obuguya okumuva mu kanwa.