Abalevi 2:12 - Baibuli Ekibono kya Katonda 2014

¹² Mughengayo eri Musengwa Katonda ebigheebwayo ku birime ebisooka okukungulwa buli mwaka, aye bitayokebwanga ku alutaari.

Abalevi 2:12 Iomraidhean Croise

Amainhama 23:17

Kale etyo enimiro ya Efuroni ey'e Makipela, ku luuyi olw'e buvandhuba olw'e Mamure, bweyafuuka eya Aburahamu yoonayoona okutuukira irala y'ekoma. Enimiro eyo yalimu empuku era n'emiti.

2 Ebyomubyanda 31:5

Ekiragiro ekyo bwe kyamala okulangirirwa, baaleeta mu bungi ebisooka okukungulwa, ku ngaano, ni ku mwenge ogw'emizabbibu, ni ku muzigo ogw'ebibala eby'emiti emyoliva, ni ku mudheenene ogw'endhuki, ni ku birime byonabyona. Era baaleeta mu bungi n'ekintu kirala kirala ku buli bintu ikumi ku ebyo bye baali nabyo.

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:22

“Buli makungula lwe ganaatuukanga mwidha kukolanga Ekibinuko eky'Amakungula ag'engaano esooka. Era ku nkomerero ey'omwaka mwidha kukolanga ekibinuko eky'Entindi eky'okusololeza ebirime mu byagi.

Abalevi 23:10

akobere Abaisiraeli ati: “Bwe mulituuka mu nsi Musengwa Katonda y'abagha ni mukungula engaano, ekinhwa ekisooka mukitwalanga wa kabona.

Abalevi 23:17

Buli maka ganaaleetanga emigaati ebiri eri Musengwa Katonda ng'ekigheebwayo ekiwuubibwa. Buli mugaati gunaakolebwanga mu kilo ibiri edh'obuwunga obuseereibwa obukalamu, nga butabwirwamu ekizimbulukusa. Emigaati egyo munaagighangayo eri Musengwa Katonda ng'ekigheebwayo eky'ebirime ebisooka okukungula.

Abalevi 7:13

Okwongereza ku kigheebwayo kye eky'okutabagana ky'ali kughaayo olw'okwebaza Katonda, anaaleeterangaku emigaati egizimbulukusiibwa.

Okubala 15:20

Ku ngaano ye musookanga okukanda, mufumbangaku omugaati omutono mugugheeyo ng'ekigheebwayo, nga bwe mughaayo ekigheebwayo olw'ekifo aghakubirwa engaano.

Okubala 18:12

“Nkughaire ebirime ebisinga bulungi ebisooka okukungulwa Abaisiraeli bye bampa, era nga ni bino: omuzigo ogw'ebibala eby'emiti emyoliva, omwenge ogw'emizabbibu n'emere ey'empeke.

1 Ab'e Korintho 15:20

Aye mu butuufu bwene Kurisito yazuukira mu bafu okukakasa ng'abafu balizuukira

Amateeka Agokubiri 26:10

Era mpegaano bona, ndeese ku birime bye nsoose okukungula mu itaka lye wampa, iwe Musengwa Katonda. “Agho aidha kutanga ebintu ebyo agho mu maiso ga Musengwa Katonda we era amusinzizenga agho.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.