Abalevi 2:11 - Baibuli Ekibono kya Katonda 2014

¹¹ “Tighaabengagho kigheebwayo kya mere ya mpeke, ekinaagheebwangayo eri Musengwa Katonda nga kirimu ekizimbulukusa. Mutakozesanga kizimbulukusa waire omudheenene gw'endhuki, mu kigheebwayo eri Musengwa Katonda nga kyokebwa.

Abalevi 2:11 Iomraidhean Croise

Okuvaayo 23:18

“Bw'oghangayo ensolo eitiibwa ng'omusengo, otaleeterangaku migaati gizimbulukusiibwa. Era amasavu ag'ensolo edhigheebwayo ng'omusengo mu bibinuko ebyo, gatasulangagho kutuusa nkyo.

Okuvaayo 29:25

Agho obibatoole mu ngalo obyokere ku alutaari ng'oyongereza ku kigheebwayo ekyokebwa ekinaaba kiriku. Akawoowo akava ku kigheebwayo ekyo ekyokebwa kasangaaza nze Musengwa Katonda.

Okuvaayo 34:25

“Bw'oghangayo ensolo eitiibwa ng'omusengo ogugheebwayo ku Kibinuko eky'Okwidhukiriraku Okubitizibwa, otaleeterangaku mugaati guzimbulukusiibwa. Era otalekangagho yindi ku mamba ey'ensolo egheereibwayo ng'omusengo n'etuusa enkyo ery'olunaku olwiririra.

Ensambo 24:13

Mwana wange, lyanga ku mudheenene ogw'endhuki, kuba mulungi. Nga bwe gudhuudhuula ku lulimi lwo, nga guva mu bisasala byagwo,

Ensambo 25:16

Bw'oyagaananga omudheenene gw'endhuki olyangaku ogukumala obumale, tomanha bwegubitirira ni gukwesuukuula ku mwoyo n'ogusesema.

Ensambo 25:27

Nga bwe kitali kirungi kunhwa mudheenene gwa ndhuki mungi, era kityo bwe kitali kirungi muntu kwenda inho kusaakibwa.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 6:10

Agho kabona anaavaalanga ekivaalo eky'olugoye olughegheevu, n'empale ey'olugoye olughegheevu, era yaatoola eivu eriva ku kigheebwayo ekyokeibwa ku alutaari, yaalita gha mbali gh'alutaari eyo.

Matayo 16:6

“Mwekuume era mwegendereze ekizimbulukusa eky'Abafarisaayo n'Abasaddukaayo!”

Mariko 8:15

Yaabalabula yaabakoba ati: “Mwekuume, mwegendereze ekizimbulukusa eky'Abafarisaayo n'ekya Herode.”

Luka 12:1

Mu kiseera ekyo abantu baali nga beesoloiza kamaala inho era nga bali na kuniinaganaku. Agho Yesu yaasookera ku Beegeresebwa be yaakoba ati: “Mweghale ekizimbulukusa eky'Abafarisaayo nkoba obuguya bwaibwe.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ab'e Galatia 5:9

Aye nga bwe bakoba: “Kaba kazimbulukusa katono kaazimbulukusa ogutole ogw'engaano gwonagwona.”

1 Petero 4:2

Olwo ekiseera ky'amala ng'akaali mu mubiri, yaaba nga takaafugibwa kwegomba kwa mubiri okutoolaku okufugibwa Katonda by'ayenda.