Abalevi 2:1 - Baibuli Ekibono kya Katonda 2014

¹ “Omuntu yeenayeena bw'anaabanga ng'ali kughaayo ekigheebwayo eky'emere ey'empeke eri Musengwa Katonda, emere anaamalanga kugisa bukalamu, yaateeraku n'omuzigo, n'obubbaani.

Abalevi 2:1 Iomraidhean Croise

Okuvaayo 29:2

Ofuneyo emigaati egitazimbulukusiibwa, nga gya bika bisatu bino: eminene egitabwirwamu omuzigo, n'egindi egiziramu muzigo, n'emitono egisiigiibwaku omuzigo. Era nga mugifumbye mu buwunga obuseereibwa obukalamu.

Isaia 43:23

Timwandeetera ntaama dhaimwe ng'ebigheebwayo ebyokebwa, waire okuntaamu ekitiisa nga mumpa emisengo. Nze tibakaluubirizangaku nga mbasaba ebigheebwayo, waire okubakooya nga mbapikiriza okumpa obubbaani obw'okuuniokeza.

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Ezekieli 46:20

Omusaadha yankoba ati: “Kino n'ekifo bakabona mwe banaafumbiranga emamba ey'ebigheebwayo olw'ebibi, n'ey'ebigheebwayo ng'omutango. Era mwe banaakalangiranga n'ebigheebwayo eby'emere ey'empeke. Olwo balobenga kubifulumya mu luya olw'okuliya, kuba obutukuvu bwabyo busobola okukola akabi ku bantu.”

Yoeli 1:9

Bakabona abagheereza Musengwa Katonda bali mu kulira maziga; kuba tighakaali bigheebwayo bya mere ya mpeke, waire ebigheebwayo eby'okunhwa bye batwala mu isinzizo lya Musengwa Katonda.

Yoeli 2:14

Tomanha, oba katyo asobola okukyusa ekirowoozo kye yaabasonigha, yaaleka ng'abaghaire enkabi, mwabaza ebirime. Agho mwasobola okumugha ebigheebwayo eby'emere ey'empeke n'eby'okunhwa.

Abalevi 14:10

“Ku lunaku olwomunaana anaaleetanga entaama ento enume ibiri, n'entaama enduusi ndala ey'omwaka omulala, dhoonadhoona nga dhiziraku kikyamu kyonakyona. Era anaaleetanga kilo isatu edh'obuwunga bw'engaano obuseereibwa obukalamu, nga butabwirwamu omuzigo ogw'ebibala eby'emiti emyoliva. Era yaaleeta ekitundu kirala kirala ku buli bitundu bisatu ebya lita ey'omuzigo ogw'ebibala eby'emiti emyoliva.

Abalevi 24:7

Era mutanga obubbaani obusinga bulungi ku buli muteeko, bukole mu kifo ky'emigaati nga n'akamanhiso akooleka nga byonabyona bigheereibwayo eri Musengwa Katonda oyo ng'ekigheebwayo ekyokebwa.

Abalevi 5:11

Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.

Abalevi 6:7

Kabona anaaghangayo omusengo olw'omuntu oyo mu maiso ga Musengwa Katonda, era omuntu oyo anaasoniyibwanga.”

Abalevi 9:17

Yaaleeta ekigheebwayo eky'emere ey'empeke, yaayoolaku omuganda gw'obuwunga, yaabwokera ku alutaari ng'ayongereza ku kigheebwayo ekyokebwa ekya buli lunaku.

Abalevi 9:4

n'ente era n'entaama, nga dhombi nume, dhibe ekigheebwayo olw'okutabagana. Bino bali n'okubighaayo ng'omusengo mu maiso ga Musengwa Katonda, aghalala n'ekigheebwayo eky'emere ey'empeke ekitabwirwamu omuzigo. Bali n'okukola batyo, kuba Musengwa Katonda aidha kubabonekera olwaleero.”

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Okubala 18:9

Bino n'ebinaabanga ebyaimwe ku bintu ebitukuvu einho byonabyona ebigheebwayo eri nze Musengwa Katonda, ebirekebwagho nga tibyokeibwa: buli ekigheebwayo eky'emere ey'empeke, buli ekigheebwayo olw'ebibi, na buli ekigheebwayo ng'omutango. Byonabyona ebitukuvu einho ebigheebwayo eri nze Musengwa Katonda, biidha kubanga bibyo ni batabane bo.

Okubala 28:5

Era mwidha kugheerangayo ku ntaama eyo ey'oku nkyo ekigheebwayo eky'emere ey'empeke nga kya kilo ndala ey'obuwunga obuseereibwa obukalamu, obutabwirwamu lita y'omuzigo omukenenule ogukamwirwa mu bibala eby'emiti emyoliva.

Okubala 29:18

Era mwidha kugheerengaku ekigheebwayo ekijiiraku eky'emere ey'empeke, n'eky'ebyokunhwa, ku nte enume, ni ku ntaama enkulu enume, ni ku ntaama ento enume, nga mujiira ku bungi bw'ensolo ng'eiteeka bwe liragira.

Okubala 7:13

Ekigheebwayo kye, kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ng'ekyo n'ekigheebwayo eky'emere ey'empeke.

Okubala 7:19

Ekigheebwayo kye kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ekyo nga n'ekigheebwayo eky'emere ey'empeke.

Okubala 8:8

Agho baidha kufunayo ente ento enume, n'ekigheebwayo ekijiiraku eky'emere ey'empeke eseereibwa obukalamu era etabwirwamu omuzigo. Era mufuneyo ente ento enume eyindi ey'ekigheebwayo olw'ebibi.

Yoanne 6:35

Yaabakoba ati: “Ninze omugaati ogugha obulamu, aidha ye ndi endhala terimuluma, era oyo andhikiriza taliwulira ndiwo.

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.

Yuda 1:20

Aye imwe bakagwa, okwikiriza kwaimwe okutukuvu n'okube kube omusingi kwe mwezimbira. Musabirenga mu maani ga Mwoyo Mutukuvu,

Okwolekebwa 8:3

Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.