Abalevi 19:3 - Baibuli Ekibono kya Katonda 2014

³ Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 19:3 Iomraidhean Croise

Amainhama 48:12

Agho Yosefu yaabatoola ku makiryaivu ga Isiraeli, era yaakuba amakiryaivu n'obweni bwatuuka ku itaka.

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Okuvaayo 20:8

“Muteerabiranga kukuza lunaku lwa Sabbato nga lutukuvu.

Okuvaayo 21:15

“Omuntu yeenayeena anaakubanga ise oba inhina, wa kwitibwanga.

Okuvaayo 21:17

“Omuntu yeenayeena anaakolimiranga ise oba inhina, wa kwitibwanga.

Ensambo 1:8

Mwana wange, owulirisanga inho lata wo by'akugalagira, era otavanga ku inhoko by'akwegeresa;

Ensambo 23:22

Wulirisanga lata wo, kuba n'eyakuzaala era otanhoomereranga inhoko, waire ng'akairiighe.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Abalevi 19:25

Aye mu mwaka ogwokutaanu, muliba ba idembe okulya ku bibala byagyo. Ebyo byonabyona bwe mulibituukiriza, emiti gyaimwe giribala inho. Ninze Musengwa Katonda waimwe.

Abalevi 19:30

Mukuzenga olunaku lwa Sabbato, era mutenga ekitiisa mu kifo kyange Ekitukuvu. Ninze Musengwa Katonda.

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 19:34

Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Abalevi 26:2

Mukuzenga olunaku lwa Sabbato, era mutenga ekitiisa mu Kifo kyange Ekitukuvu. Ninze Musengwa Katonda.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Amateeka Agokubiri 27:16

“ ‘Omuntu yeenayeena anaanhoomanga ise oba inhina, akolimirwenga!’ “Olwo abantu boonaboona baliiramu bati, ‘Amiina.’

Amateeka Agokubiri 5:16

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?