Abalevi 12:8 - Baibuli Ekibono kya Katonda 2014

⁸ “Omukazi bw'aba nga taghanga kughaayo ntaama nto, anaaghangayo amaghemba amato abiri oba enjiibwa ibiri, olw'ekigheebwayo ekyokebwa, n'olw'ekigheebwayo olw'ebibi. Kabona anaaghangayo ebigheebwayo ebyo ng'omusengo eri Musengwa Katonda olw'omukazi oyo, yaaba mulongoofu.”

Abalevi 12:8 Iomraidhean Croise

Abalevi 1:14

“Bw'anaabanga ng'aja okughaayo omusengo ogwokebwa omulomba nga gwa nhonhi, aidha kughangayo njiibwa oba ighemba.

Abalevi 12:7

Kabona anaaghangayo ekigheebwayo ekyo ng'omusengo eri Musengwa Katonda, omukazi oyo yaatukuzibwa olw'omusaayi ogwamuvaamu. Eryo n'eiteeka erifuga omukazi ng'azaire omwana omulenzi oba omughala.

Abalevi 13:1

Musengwa Katonda yaalagira Musa ni Aaroni ati:

Abalevi 14:21

“Aye bw'anaabanga omwavu atasobola kufuna byaga agho, anaaleetanga entaama ento enume, ebe ekigheebwayo ng'omutango. Enaabanga ekigheebwayo eri Musengwa Katonda nga kiwuubibwa, ekiba ekya kabona. Anaaleetanga kilo ndala ey'obuwunga obw'engaano, obutabwirwamu omuzigo ogw'ebibala eby'emiti emyoliva, era yaaleeta ekitundu kirala kirala ku buli bitundu bisatu ebya lita ey'omuzigo ogw'ebibala eby'emiti emyoliva.

Abalevi 14:22

Era aidha kuleetanga enjiibwa ibiri, oba amaghemba amato abiri nga bw'anaabanga ng'aghanze. Eighemba erindi linaabanga ekigheebwayo olw'ebibi, n'erindi ekigheebwayo ekyokebwa.

Abalevi 15:14

Ku lunaku olwomunaana aidha kutwalanga enjiibwa ibiri oba amaghemba amato abiri, ku mulyango gw'Eweema ey'Okwagaananirangamu ni Musengwa Katonda, yaabigha kabona.

Abalevi 15:15

Kabona anaabighangayo olw'ekigheebwayo olw'ebibi, n'olw'ekigheebwayo ekyokebwa. Mu nsambo eyo kabona anaabighangayo ng'omusengo mu maiso ga Musengwa Katonda, olw'okutukuzibwa okw'omuntu oyo.

Abalevi 15:29

Ku lunaku olwomunaana, aidha kutwalanga enjiibwa ibiri oba amaghemba amato abiri, eri kabona ku mulyango ogw'Eweema ey'Okwagaananirangamu ni Musengwa Katonda.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 5:11

Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.

Abalevi 5:7

Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Matayo 21:12

Agho Yesu yangira mu isinzizo lya Katonda, yaabingamu boonaboona abaali batundira n'abaali bagulira mu isinzizo. Yaafundika emeeza edh'abaali bafaana empiiya, n'ebityamo eby'abaali batunda enjiibwa.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.