Abalevi 12:6 - Baibuli Ekibono kya Katonda 2014

⁶ “Agho enaku edh'okutukuzibwa kwe bwe dhinaawangaku, edh'omwana omulenzi oba omughala, omukazi oyo anaaleetanga eri kabona ku mulyango gw'Eweema ey'Okwagaananirangamu ni Musengwa Katonda, entaama ento ey'omwaka omulala, ebe ekigheebwayo ekyokebwa, n'enjiibwa oba eighemba eito, okuba ekigheebwayo olw'ebibi.

Abalevi 12:6 Iomraidhean Croise

Amainhama 15:9

Musengwa Katonda yaamwiramu ati: “Ndeetera ente ey'emyaka esatu, n'embuzi ey'emyaka esatu, n'entaama enume yoona nga ya myaka esatu, era n'enjiibwa, n'eighemba eito.”

Abalevi 12:2

“Kobera Abaisiraeli oti omukazi bw'anaatoolanga enda n'azaala omwana omulenzi, enaku omusanvu edhinaiririranga taabenga mulongoofu, ng'oti ni bw'ataba mulongoofu ng'ali mu biseera bye eby'okulwala.

Abalevi 12:5

Aye bw'anaazaalanga omwana omughala, anaamalanga enaku ikumi na ina nga tiimulongoofu, nga bw'ataba mulongoofu ng'ali mu biseera bye eby'okulwala. Olwo anaamalanga enaku edhindi nkaaga na mukaaga ng'atwalibwa okuba ng'akaali kutukuzibwa olw'omusaayi ogwamuvaamu ng'azaala.

Abalevi 12:7

Kabona anaaghangayo ekigheebwayo ekyo ng'omusengo eri Musengwa Katonda, omukazi oyo yaatukuzibwa olw'omusaayi ogwamuvaamu. Eryo n'eiteeka erifuga omukazi ng'azaire omwana omulenzi oba omughala.

Abalevi 14:22

Era aidha kuleetanga enjiibwa ibiri, oba amaghemba amato abiri nga bw'anaabanga ng'aghanze. Eighemba erindi linaabanga ekigheebwayo olw'ebibi, n'erindi ekigheebwayo ekyokebwa.

Abalevi 15:14

Ku lunaku olwomunaana aidha kutwalanga enjiibwa ibiri oba amaghemba amato abiri, ku mulyango gw'Eweema ey'Okwagaananirangamu ni Musengwa Katonda, yaabigha kabona.

Abalevi 15:29

Ku lunaku olwomunaana, aidha kutwalanga enjiibwa ibiri oba amaghemba amato abiri, eri kabona ku mulyango ogw'Eweema ey'Okwagaananirangamu ni Musengwa Katonda.

Okubala 6:10

Ku lunaku olwomunaana aidha kuleetanga amayemba abiri oba enjiibwa ibiri ye kabona, ku mulyango ogw'Eweema ey'Okwagaananirangamu ni Musengwa Katonda.

Luka 2:22

Enaku edh'okutukuzibwa kwaibwe bwe dhaatuuka nga bwekiri mu Mateeka ga Musa, baamutwala e Yerusalemu okumughaayo ye Musengwa.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.