Abalevi 11:3 - Baibuli Ekibono kya Katonda 2014

³ Buli nsolo eri n'ebinuulo nga byawulemu era eiza obwekulumo, eyo mwikirizibwa okugirya.

Abalevi 11:3 Iomraidhean Croise

Ensambo 2:10

Oidha kubanga mugezi, era okumanha kwidha kukusangaazanga.

Ensambo 9:6

Va mu bantu abazira kye baidhi obe mulamu, era weebise mu nsambo eyoleka ng'otegeera.”

Abalevi 11:2

bakobere Abaisiraeli bati: “Bino n'ebiramu bye mwikirizibwa okulya mu nsolo dhoonadhoona edhiri ku bukalu.

Abalevi 11:26

Buli nsolo eri n'ebinuulo aye nga tibyawulemu era nga teiza bwekulumo, munaagibaliranga mu dhitali nongoofu. Kiisi anaagigemangaku ng'efiire taabenga mulongoofu.

Abalevi 11:4

Aye mutalyanga nsolo nga dhino: engamiya, omusu, n'akamyu. Munaadhibaliranga mu ebyo ebitali birongoofu, kuba waire biiza obwekulumo, aye bizira binuulo byawulemu.

Abalevi 11:7

Era mutalyanga mbiidhi. Munaagibaliranga mu ebyo ebitali birongoofu, kuba waire eri n'ebinuulo ebyawulemu, aye teiza bwekulumo.

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Amateeka Agokubiri 14:6

na buli nsolo eri n'ebinuulo nga byawulemu era ng'eiza obwekulumo.

Amateeka Agokubiri 14:8

Era mutalyanga mbiidhi. Yoona mwidha kugibaliranga mu nsolo edhitali nongoofu, kuba waire eri n'ebinuulo ebyawulemu, aye teiza bwekulumo. Mutalyanga ku mamba ya nsolo edho, waire okudhigemaku nga dhifiire.

1 Timotheo 4:15

Ebyo bikolenga era obiisengaku omwoyo, olwo boonaboona babone nga bwe weeyongera okukola obukalamu.