Abalevi 10:4 - Baibuli Ekibono kya Katonda 2014

⁴ Musa yaayeta Mishaeli ni Elizafani, batabane ba Uzzieli muganda wa lata wa Aaroni, yaabakoba ati: “Mwidhe mubbeedegho emirambo gya batabane ba muganda waimwe, mugitoole mu Weema Entukuvu mugitwale kuliya okuva ghano aghaasimbwa weema dhaife.”

Abalevi 10:4 Iomraidhean Croise

1 Ebyomubyanda 6:2

Kohathi yaazaala Amuramu, ni Izahara, ni Heburoni, ni Uzzieli.

Okuvaayo 33:7

Mperaano buli Abaisiraeli ghe baasimbanga weema dhaibwe, nga Musa ataagho eweema nga yeeswireku akata okuva agho. Eweema eyo ng'agyeta Eweema ey'Okwagaananirangamu ni Musengwa Katonda. Era kiisi eyayendanga okwebuuza ku Musengwa Katonda ng'aja ye Weema eyo.

Okuvaayo 6:18

Kohathi yazaala abaana bana era nga ni bano: Amarama, Izahara, Heburoni ni Uzzieli. Era yaaghangaala emyaka kikumi n'asatu n'esatu (133).

Okuvaayo 6:22

Uzzieli yeena yaazaala abaana basatu era nga ni bano: Mishaeli, Elizafani ni Sithiri.

Okubala 3:19

Bano ni batabane ba Kohathi ng'ojiira ku nda dhaibwe: Amuramu, Izahara, Heburoni, ni Uzzieli.

Okubala 3:30

Omukulu waibwe nga ni Elizafani mutabane wa Uzzieli.

Luka 7:12

Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.

Ebikolwa by'Abatume 5:6

Abaisuka baasituka baazinga omulambo baagutwala baaguziika.

Ebikolwa by'Abatume 8:2

Abantu abaisaamu Katonda ekitiisa baaziika Sitefano era baamulira inho.